بیگم کلثوم سیف اللہ خان ٹینس ٹورنامنٹ میں دلچسپ مقابلے جاری

اسلام آباد :شہر اقتدار میں پاکستان ٹینس فیڈریشن کے ہیڈ کوارٹرز میں ہونے والی چھٹی بیگم کلثوم سیف اللہ خان ٹینس ٹورنامنٹ کے دوسرے روز کانٹے کے مقابلے دیکھنے کو ملے۔

مینز سنگلز بوائز کے انڈر18اور 14 کے کل تیس مقابلے ہوئے جس میں ٹاپ کھلاڑیوں نے اگلے راونڈ میں باآسانی جگہ بنالی۔

مینز سنگلز کے پہلے راونڈ میں کئی میچز کے فیصلے ہوگئے ۔ہیرا عاشق نے فیضان فیاض کو چھ صفر اور چھ دو سے زیر کیا،مزل مرتضیٰ نے عمران بھٹی کیخلاف سخت مقابلے کے بعد چھ دو اور سات چھ سے کامیابی حاصل کی۔سینئر ٹینس کھلاڑی رشید ملک کو مدثر مرتضی نے چھ چار اور چھ چار سے شکست دی ہے۔

بوائز انڈر 18کے پہلے راونڈ میں حزیمہ عبدالرحمان نے باآسانی محمد حمزہ عاصم کو چھ دو او ر چھ چار سے شکست دی۔مہاتیر محمد نے حزیفہ خان کو چھ ایک اور چھ تین سے قابو کیاجبکہ نعلین عباس نے حذیمہ عبدالرحمان کو چھ ایک اور چھ ایک سے زیر کیا ہے۔

مزید پڑھیں: تیسرا ٹی ٹوئنٹی میچ، قومی کرکٹ ٹیم نے نیوزی لینڈ کو 4 وکٹوں سے ہرا دیا

بوائز انڈر 18 کے پہلے راونڈ میں بھی دلچسپ مقابلے دیکھنے کو ملے۔ حمزہ حسین نے مستنصر علی کو چار صفر اور چار دو سے قابو کیا۔حسنین علی رضوان نے یک طرفہ مقابلے کے بعد معاویہ بٹ کو ہرایا، جمال خان اور حمزہ رومان واک اوور ملنے کہ وجہ سے دوسرے راونڈ میں پہنچ گئے ہیں۔کورونا وائرس کی وجہ سے تمام میچز کا انعقاد ایس او پی کے تحت کیا جارہا ہے۔