مینار پاکستان واقعہ ،بختاور بھٹو کا عوامی مقامات پر مردوں کے داخلے پر پابندی کا مطالبہ

 دبئی:پاکستان پیپلز پارٹی کے چیئرمین بلاول بھٹو زرداری کی ہمشیرہ بختاور بھٹو زرداری نے کہا ہے کہ عوامی مقامات پر مردوں کے داخلے پر پابندی لگائی جانی چاہیے۔

لاہور میں خواتین سے ہراسانی کے واقعات منظر عام آنے پر سبین آغا نامی خاتون نے اپنی ٹوئٹ میں کہا کہ میں کوئی ٹک ٹاکر یا یوٹیوبر نہیں بلکہ صحافی ہیں ، چند برس قبل وہ یوم آزادی کے موقع مزار قائد پر اپنے ادارے کی ہدایات پر پیشہ وارانہ ذمہ داریاں ادا کررہی تھیں ، اس دوران 100 سے زائد اوباش مردوں نے ان پر ان کے کیمرہ مین پر حملہ کردیا۔

Another harrowing experience – witnessed by police who refused to help despite their ability to call for back up as well as use weapons to disperse crowd. Trusted to help & instead complicit. Men should be banned from public spaces. We need more women to safeguard women. https://t.co/kIqDE3KSYa

— Bakhtawar B-Zardari (@BakhtawarBZ) August 21, 2021

سبین آغا نے کہا کہ کیمرہ مین اور مجھے وہاں سے ہٹادیا گیا تاہم وہ ان اوباش لوگوں کے نرغے میں پھنس گئی۔ ہراسانی کے واقعے پر وہاں موجود پولیس اہلکاروں سے شکایت کی تو انہوں نے الٹا کہا کہ ہم صرف 4 ہیں اور وہ 150 ، ایسی صورت حال میں ہم انہیں نہیں روک سکتے تھے، آپ یہاں آئی ہی کیوں؟۔

سبین آغا کی ٹوئٹ پر آصف علی زرداری کی صاحبزادی بختاور بھٹو زرداری نے کہا کہ خاتون سے ہراسانی کا ایک اور واقعہ سامنے آیا ہے، جب پولیس نے ہی مدد سے انکار کردیا، حالانکہ وہ واقعے کو روکنے کے لیے مزید نفری بلاسکتے تھے، وہ ہجوم کو منتشر کرنے کے لیے اسلحے کا استعمال بھی کرسکتے تھے۔

مزید پڑھیں:لاہور میں خواتین پر تشدد کی ایک اور ویڈیو وائرل ، پولیس نے جگہ کے تعین کےلیے شہریوں سے مدد مانگ لی

بختاور بھٹو زرداری نے کہا کہ عوامی مقامات پر مردوں کے داخلے پر پابندی لگائی جانی چاہیے اور ہمیں خواتین کی حفاظت کے لئے مزید خواتین کی ضرورت ہے۔