گوگل نیوز پر ہمیں فالو کریںکراچی: شہرِ قائد میں سرد ہواؤں کا نیا سلسلہ آج سے داخل ہونے کا امکان ہے، کم سے کم درجہ حرارت 3 ڈگری تک گرسکتا ہے، سردی کی نئی لہر 4 روز تک برقرار رہے گی۔
موسمیاتی تجزیہ کار جواد میمن کے مطابق مغربی ہواؤں کا سسٹم بلوچستان پر اثر انداز ہے جس کے باعث کراچی کا مطلع جزوی ابر آلود رہنے کے ساتھ بوندا باندی بھی ہوسکتی ہے۔
جواد میمن نے بتایا کہ سسٹم کے زیر اثر آج دوپہر سے شہر قائد میں تیزگرد آلود اور سرد ہوائیں چلنے کا امکان ہے، اس دوران ہواؤں کی رفتار 30 سے 40 کلو میٹر فی گھنٹہ ہوسکتی ہے جب کہ گرد آلود ہواؤں کے باعث فضائی معیار بھی متاثر رہے گا۔
کیا آپ صبح چائے پینے کے 5 حیرت انگیز فوائد جانتے ہیں؟
جواد میمن کے مطابق مغربی ہواؤں کا سسٹم ملک سے نکلنے کے بعد سردی کی لہر بڑھ سکتی ہے، کراچی میں سردی کی نئی لہر پچھلی لہر سے شدید ہوسکتی ہے جس سے شہر کے مضافات میں درجہ حرارت 3 سے 5 ڈگری سینٹی گریڈ تک آسکتا ہے۔
انہوں نے مزید بتایا کہ 23 یا 24 جنوری سے درجہ حرارت میں کمی کا امکان ہے۔
