گوگل نیوز پر ہمیں فالو کریںراولپنڈی: لائن آف کنٹرول پر بھارتی فوج نے بلا اشتعال فائرنگ کی جس کے نتیجے میں مادرِ وطن کے 2 سپوت شہید ہو گئے ہیں۔
تفصیلات کے مطابق پاک فوج کے شعبۂ تعلقاتِ عامہ (آئی ایس پی آر) کا کہنا ہے کہ گزشتہ شب بھارتی فوج نے سیز فائر معاہدے کی خلاف ورزی کرتے ہوئے ایل او سی کے کھوئی رٹہ سیکٹر پر بھاری اسلحے سے فائرنگ کی جس کے نتیجے میں پاک فوج کے سپاہی ظروف اور افسر لارنس نائیک طارق فرض کی ادائیگی کے دوران شہید ہو گئے۔
ڈائریکٹر جنرل آئی ایس پی آر کا کہنا ہے کہ پاک فوج نے سرحد پار فائرنگ کا بھرپور جواب دیتے ہوئے دشمن کو بھاری جانی نقصان پہنچایا۔
Indian troops initiated CFVs in Khuiratta Sector along #LOC. Pakistan army troops responded befittingly. Reports of heavy losses 2 Indian troops in men & material. During exchange of fire, while fighting valiantly, 2 soldiers, Lance Naik Tariq & Sepoy Zaroof embraced shahadat. pic.twitter.com/v5NqywqnP3
— DG ISPR (@OfficialDGISPR) December 9, 2020
یاد رہے کہ اِس سے قبل بھارتی فوج نے لائن آف کنٹرول پر بین الاقوامی قوانین کی دھجیاں اڑاتے ہوئے شہری آبادی پر شدید فائرنگ کی، جس کی زد میں آکر ایک33سالہ شہری جاں بحق ہوگیا۔
پاک فوج کے شعبہ تعلقات عامہ (آئی ایس پی آر) کے 25 نومبر کو جاری کردہ بیان کے مطابق بھارتی فورسز نے کنٹرول لائن کے باغسر سیکٹر پر بلا اشتعال فائرنگ کی اور شہری آبادی کو نشانہ بنایا۔
مزید پڑھیں: بھارتی فوج کی ایل او سی پر بربریت جاری، 3بچیوں کا باپ شہید
