گوگل نیوز پر ہمیں فالو کریںپنٹ لینڈ میری ٹائم پولیس فورس نے صومالیہ کے ساحل کے قریب بحری قزاقوں کے قبضے سے آئل ٹینکر ایم ٹی آنر 25 کو بازیاب کروا لیا تاہم کارروائی کے دوران پانچ مغویوں کے جاں بحق ہونے کی اطلاعات ہیں۔
انصار برنی ٹرسٹ کے مطابق ہلاک ہونے والوں میں تین پاکستانی بھی شامل ہیں جبکہ دیگر دو افراد کا تعلق میانمار اور بھارت سے بتایا گیاہے تاہم پاکستان کے دفتر خارجہ نے پاکستانی شہریوں کی ہلاکت کی آزادانہ تصدیق نہ ہونے کی بات کہی ہے اور واقعے کی معلومات کے لیے متعلقہ حکام سے رابطے میں ہے۔
اطلاعات کے مطابق ٹینکر پر 17 افراد سوار تھے جن میں 10 پاکستانی شہری شامل تھے۔ کارروائی کے دوران بعض افراد کے زخمی ہونے کی بھی اطلاعات ہیں جنہیں فوری طبی امداد کی ضرورت ہے۔
Puntland Maritime Police Force (PMPF) carried out a maritime operation off the coast of Dharin-baar, Bandar Beyla District, successfully rescuing the MT HONOUR 25 oil tanker, which had been hijacked by pirates. https://t.co/5Q15CgIBkr
— Puntland Maritime Police Force (@PMPFOfficial) September 29, 2026
ایم ٹی آنر 25 کو رواں برس 21 اپریل کو صومالیہ کے پنٹ لینڈ کے قریب قزاقوں نے قبضے میں لیا تھا اور مغویوں کے اہل خانہ کئی ماہ سے ان کی رہائی کے منتظر تھے۔
