گوگل نیوز پر ہمیں فالو کریںمیکسیکو سٹی: شمالی امریکا کے ملک میکسیکو میں ایک شخص نے سوئمنگ پول پر فائرنگ کرکے 7 افراد کو ہلاک کردیا۔
غیر ملکی میڈیا کے مطابق سوئمنگ پول میں فائرنگ سے ہلاک ہونے والوں میں بچے بھی شامل ہیں۔عینی شاہدین کے مطابق مسلح شخص سوئمنگ پول کے پاس آیا اورفائر کھول دیا۔
حملہ آور نے قریب موجود دکانوں میں بھی توڑ پھوڑ کی اور سوئمنگ پول کے سکیورٹی کیمروں اور مانیٹرکو بھی نقصان پہنچایا۔ پولیس کے مطابق واقعے کی اطلاع ملنے پر ٹیم جائے وقوعہ پہنچی تو سوئمنگ پول خون کے باعث سرخ ہو رہا تھا۔
مزید پڑھیں:بھارت میں ہندو انتہا پسندوں کی فائرنگ، زیر حراست مسلمان رہنما بھائی سمیت قتل
7 افراد کی لاشیں سوئمنگ پول کے پاس موجود تھیں جب کہ ایک زخمی شخص بھی ملا جسے تشویش ناک حالت میں اسپتال منتقل کردیا گیا۔ پولیس کی جانب سے ملزم کی تلاش شروع کردی گئی ہے۔
