گوگل نیوز پر ہمیں فالو کریںمتحدہ عرب امارات کی ریاست دبئی کی رہائشی عمارت میں آتشزدگی کے نتیجے میں 3 پاکستانیوں سمیت 16 افراد جاں بحق ہو گئے ہیں۔
تفصیلات کے مطابق آگ لگنے کا افسوسناک واقعہ ڈیرہ دبئی کے گنجان آباد علاقے الرس کی رہائشی عمارت میں پیش آیا۔ آتشزدگی کے نتیجے میں 16افراد جاں بحق جبکہ 9 زخمی ہوئے۔
سوڈان میں جھڑپیں، 25افراد ہلاک، 183زخمی، 1000 پاکستانی بھی موجود
الرس کی رہائشی عمارت میں خوفناک آتشزدگی کے نتیجے میں جاں بحق 16ا فراد میں 3 پاکستانی بھی شامل ہیں۔ زخمیوں کو طبی امداد کیلئے ہسپتال منتقل کردیا گیا ہے۔
جاں بحق افراد کی شناخت کا عمل جاری ہے۔ ایک بھارتی سوشل ورکر سمیت دیگر دبئی پولیس کی مدد کر رہے ہیں۔ حکام کا کہنا ہے کہ ہم نے بھارتی شہر کیرالہ سے تعلق رکھنے والے ایک جوڑے کی شناخت کر لی ہے۔ جاں بحق افراد میں 4 بھارتی شامل ہیں۔
جان کی بازی ہار جانے والے افراد میں تامل ناڈو سے تعلق رکھنے والے 2 افراد بھی شامل ہیں۔ 3 پاکستانی کزنز اور ایک نائیجیرین خاتون بھی آتشزدگی کے نتیجے میں جاں بحق ہوئے۔
دبئی سول ڈیفنس کے جنرل ڈائریکٹریٹ نے بلڈنگ کے ملکان اور رہائشیوں پر زور دیا کہ سکیورٹی کی ضروریات اور رہنما ہدایات پر سختی سے عمل کریں تاکہ مستقبل میں ایسے واقعات سے بچا جاسکے۔
