فٹبال ورلڈکپ کا دوسرا سیمی فائنل، دفاعی چیمپئن فرانس اور مراکش آج آمنے سامنے ہونگے

دوحہ: قطر میں جاری فیفاورلڈکپ اپنے آخری مراحل میں ہے، آج کھیلے جانے والے دوسرے سیمی فائنل میں دفاعی چیمپئن فرانس اور مراکش کی ٹیمیں آمنے سامنے ہونگی۔

فٹبال ورلڈکپ کا دوسرا سیمی فائنل آج مراکش اور فرانس کے درمیان کھیلا جائے گا، دونوں ٹیمیں البیت اسٹیڈیم میں رات 12 بجے ان ایکشن ہوں گی۔

گزشتہ روز کھیلے گئے پہلے سیمی فائنل میں ارجنٹینا نے کروشیا کو 3-0 صفر سے شکست دے کر باآسانی فائنل کیلئے کوالیفائی کرلیا، فائنل میں ارجنٹینا کا سامنا کون کرے گا اس کا فیصلہ آج ہوجائے گا۔

یہ بھی پڑھیں:

مراکش کے گول کیپر بونو کی دھوم، مخالف ٹیم کو ایک گول بھی نہیں کرنے دیا

قبل ازیں دفاعی چیمپئن فرانس نے کوارٹرفائنل میں انگلینڈ کو زیر کیا جبکہ مراکش نے کوارٹرفائنل میں پرتگال کو شکست دی۔ فرانس کا ماپے، گرزمین اور جیرو پر جبکہ مراکش کا حکیمی، نصیری اور گول کیپر یاسین بونو پر انحصار ہوگا۔