جوس پر ٹیکس لگنے سے اربوں روپے کی سرمایہ کاری خطرے میں پڑگئی

کراچی: حکومت کی جانب سے جوس پر ٹیکس عائد کرنے سے 40 ارب روپے کی سرمایہ کاری متاثر ہونے کا خدشہ ہے جس کے پیش نظر فروٹ ایکسپورٹرز نے وزیراعظم کو خط لکھ دیا۔

پاکستان فروٹ ایکسپورٹرز ایسوسی ایشن کی جانب سے وزیراعظم کو لکھے گئے خط میں کہا گیا ہے کہ جوسز پر 10 فیصد فیڈرل ایکسائز ڈیوٹی کا نفاذ فارمرز، پھلوں کے ایکسپورٹرز اور پلپ کنسٹریٹ بنانے والوں پر بوجھ بنے گا جس سے جوسز بنانے والی مقامی صنعت کی 40 ارب روپے کی سرمایہ کاری متاثر ہوگی۔

یہ بھی پڑھیں:

مالی سال کے پہلے 7 ماہ میں آئی ٹی کی برآمدات میں 2.3 فیصد اضافہ ہوا

فروٹ ایکسپورٹرز نے خط میں لکھا کہ جوسز بنانے والی کمپنیاں 2 لاکھ ٹن پھل خریدتی ہیں، 10 فیصد ایکسائز ڈیوٹی سے فارمرز کی آمدن بھی متاثر ہوگی، جوسز سے ملنے والے محصولات میں کمی اور غیر دستاویزی کاروبار کو فروغ ملے گا، جوسز پر 10 فیصد فیڈرل ایکسائز ڈیوٹی کے نفاذ کا فیصلہ واپس لیا جائے۔