گوگل نیوز پر ہمیں فالو کریںلاہور: چیئرمین پی ٹی آئی و سابق وزیر اعظم عمران خان نے نجی ٹی وی، معروف صحافی شاہ زیب خانزادہ اور توشہ خانے کی گھڑیاں خریدنے کا دعویٰ کرنے والے عمر فاروق ظہور پر ہتکِ عزت کا مقدمہ دائر کردیا ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ حسن شاد کی قیادت میں میرے متحدہ عرب امارات کے وکلاء نے یو اے ای قانون کے تحت جیو ٹی وی، شاہ زیب خانزادہ اور فراڈئیے عمر فاروق ظہور کے خلاف مقدمہ دائر کیا ہے۔
عمران خان کا نجی چینل کے خلاف قانونی کارروائی کا اعلان
My UAE lawyers led by Hassan Shad have now filed criminal defamation (libel and slander) proceedings under UAE law against Geo TV, Shahzeb Khanzada and fraudster Umer Farooq Zahoor.
— Imran Khan (@ImranKhanPTI) December 17, 2022
خیال رہے کہ اس سے قبل سماجی رابطے کی ویب سائٹ ٹوئٹر پر ایک بیان میں عمران خان نے کہا کہ جیو نیوز اور اس کے اینکر شاہ زیب خانزادہ نے ہینڈلرز کی حمایت سے میرے خلاف بے بنیاد اسٹوری چلائی۔
سابق وزیر اعظم عمران خان نے گزشتہ ماہ اپنے ٹوئٹر پیغام میں کہا کہ نجی ٹی وی، اس کے اینکر اور ہینڈلرز کے خلاف نہ صرف پاکستان بلکہ متحدہ عرب امارات اور برطانیہ کی عدالتوں میں مقدمہ کروں گا۔
چیئرمین پاکستان تحریکِ انصاف عمران خان کا کہنا تھا کہ مجھ پر جھوٹے الزامات لگانے کے لیے ایک جانے پہچانے فراڈئیے اور عالمی سطح پر مطلوب مجرم کو استعمال کیا گیا۔
