نواز شریف کی وطن واپسی، عمران خان کی کانپیں ٹانگ رہی ہیں۔حنا پرویز بٹ

لاہور: پاکستان مسلم لیگ (ن) کی رکنِ صوبائی اسمبلی حنا پرویز بٹ کا کہنا ہے کہ سابق وزیر اعظم نواز شریف کی ممکنہ وطن واپسی کے اعلان سے ہی عمران خان کی کانپیں ٹانگ رہی ہیں۔

سماجی رابطے کی ویب سائٹ ٹوئٹر پر گزشتہ روز اپنے پیغام میں رکنِ اسمبلی حنا پرویز بٹ نے کہا کہ میاں صاحب (نواز شریف) نے ابھی آنے کا اعلان کیا نہیں اور نیازی صاحب کی کانپیں ٹانگ رہی ہیں۔

یہ بھی پڑھیں:

بیرون ملک پاکستانی ہمارا بہترین قومی اثاثہ ہیں، رانا ثناءاللہ

ٹوئٹر پیغام میں حنا پرویز بٹ نے مزید کہا کہ تصور کریں جب سابق وزیر اعظم نواز شریف پاکستان میں ہوں گے تو نیازی صاحب کا کیا ہوگا؟

میاں صاحب نے ابھی آنے کا اعلان کیا نہیں اور نیازی صاحب کی “کانپیں ٹانگ” رہی ہیں۔۔۔تصور کریں جب وہ پاکستان ہونگے تو نیازی صاحب کا کیا حال ہوگا۔۔۔

— Hina Parvez Butt (@hinaparvezbutt) August 16, 2022

خیال رہے کہ رکنِ پنجاب اسمبلی حنا پرویز بٹ کو پی ٹی آئی کے خلاف بیان بازی کیلئے خاص شہرت حاصل ہے۔ حنا پرویز بٹ کا کہنا ہے کہ ہیلی کاپٹر حادثے کے بعد شہداء کیخلاف گھٹیا مہم کے پیچھے پی ٹی آئی کارکن تھے۔

ہیلی کاپٹر حادثے کے بعد شہدا کیخلاف گھٹیا مہم کے پیچھے پی ٹی آئی کارکن تھے۔مشترکہ تحقیقاتی کمیٹی نے پی ٹی آئی سازش کو بے نقاب کر دیا۔ اس مہم میں شامل تمام کرداروں کیخلاف سخت سے سخت ایکشن لیا جائے pic.twitter.com/zoPw3QtIrD

— Hina Parvez Butt (@hinaparvezbutt) August 16, 2022

حنا پرویز بٹ نے گزشتہ روز اپنے ٹوئٹر پیغام میں کہا کہ مشترکہ تحقیقاتی کمیٹی نے پی ٹی آئی کی سازش کو بے نقاب کردیا۔ اس مہم میں شامل تمام کرداروں کے خلاف سخت سے سخت ایکشن لیا جانا چاہئے۔ 

مختلف ٹی وی پروگرامز میں پی ٹی آئی رہنماؤں کے روبرو مسلم لیگ (ن) کا دفاع کرنے والی رکنِ اسمبلی حنا پرویز بٹ نے لمز سے ایم بی اے کی ڈگری لے رکھی ہے اور اپنی ایک این جی او بھی چلارہی ہیں۔