کراچی میں لڑکیوں کی نازیبا ویڈیو بناکر بلیک میل کرنیوالے 5ملزمان گرفتار

کراچی: ایف آئی اے نےکراچی میں لڑکیوں کی نازیبا ویڈیو بناکر بلیک میل کرنیوالے 5ملزمان کوگرفتارکرکے تحقیقات شروع کردی۔

ایڈیشنل ڈائریکٹرسائبرکرائم کے مطابق گرفتارملزمان میں پی ایچ ڈی کی طالبہ کو بلیک میل کرنے والا ملزم بھی شامل ہے۔

ملزم فہد پی ایچ ڈی کی طالبہ کو بلیک میل کررہا تھا، متاثرہ لڑکی یونیورسٹی پروفیسر کے پارٹنرکی کمپنی میں ملازمت کرتی تھی۔

ایف آئی اے کا کہنا تھا کہ ملزم فہد نے لڑکی کی ویڈیوز بنائی اور بعد میں اشرف حسین کو دیں ، ملزم اشرف نے طالبہ کی ویڈیو پروفیسر کو بھی دکھائی تھی۔

مزید پڑھیں:
معروف ٹک ٹاکر انمول نور کی نازیبا ویڈیو سوشل میڈیا پر لیک ہو گئی

پنجاب میں غسل خانے کی کھڑکی سے خاتون کی نازیبا ویڈیو بنانے پر پولیس اہلکار معطل

ایڈیشنل ڈائریکٹرسائبرکرائم نے کہا کہ سوشل میڈیا پر لڑکی کو ویڈیوز سے بلیک میل کرنیوالے ملزم جنید کو گرفتار کرلیا ، ملزم جنید لڑکی کی ویڈیوز وائرل کررہا تھا۔

بینک میں کام کرنیوالی لڑکی کو بلیک میل کرنے والا ساتھی ملازم ندیم کو بھی گرفتار ہوگیا ہے۔

ملزم ساتھی لڑکی کی ویڈیوز بنا کر وائرل کرکے بلیک میل کررہا تھا جبکہ ٹنڈو آدم سے دو ملزمان کو گرفتار کیا گیا۔

واضح رہے کہ لڑکیوں کی نازیبا ویڈیوز بناکر بلیک کرنے کے واقعات میں تیزی دیکھنے میں آئی ہے جبکہ ایف آئی اے سائبر کرائم ونگ جرائم پر قابو پانے کیلئے پوری طرح متحرک ہے اور خواتین کی ویڈیوز بناکر بلیک میل کرنے والے ملزمان کی گرفتاریاں عمل میں لائی جارہی ہیں۔