گوگل نیوز پر ہمیں فالو کریںبالی ووڈ اسٹار یش کی نئی فلم “ٹاکسک: اے فیری ٹیل فار گروون اپس” دنیا بھر کے سینما گھروں میں 26 اگست کو ریلیز ہونے جا رہی ہے۔ اداکارہ کیارا اڈوانی نے اسے اپنے کیریئر کا سب سے جرات مندانہ اور مشکل ترین منصوبہ قرار دیا ہے۔
فلم میں تاریخی گوا کے پس منظر میں ایک تاریک نفسیاتی گینگسٹر کہانی پیش کی گئی ہے، جس میں جرائم کی دنیا، طاقتور گروہوں اور منشیات کے نیٹ ورکس کو موضوع بنایا گیا ہے۔
فلم کی ہدایت کاری گیتو موہن داس نے کی ہے، جبکہ اس کی کاسٹ میں نینتھارا، کیارا اڈوانی، ہما قریشی، تارا ستاریا اور رکمنی وسنتھ شامل ہیں۔
کہانی 1940 کی دہائی کے آغاز سے 1970 کی دہائی تک کے دور پر مبنی ہے، جب گوا میں پرتگالی حکمرانی اپنے آخری مرحلے میں تھی۔ فلم میں دکھایا گیا ہے کہ نوآبادیاتی نظام کے کمزور ہونے کے بعد جرائم پیشہ گروہ اور منشیات کے مافیا طاقت کے خلا کو پُر کرنے کی کوشش کرتے ہیں۔
رپورٹس کے مطابق فلم کا بجٹ تقریباً 850 کروڑ سے 1000 کروڑ بھارتی روپے کے درمیان ہے، جس کے باعث یہ بھارتی سنیما کی مہنگی ترین فلموں میں شامل ہو سکتی ہے۔
