گوگل نیوز پر ہمیں فالو کریںنئی دہلی: بالی ووڈ فلمز کی معروف اداکارہ سشمیتا سین نے زندگی کی 47 بہاریں دیکھ لی ہیں۔ مداحوں اور ساتھی اداکاروں نے اداکارہ کو سالگرہ کی مبارکباد دی ہے۔
تفصیلات کے مطابق 19 نومبر 1975 کو جنم لینے والی سشمیتا سین نے 90 کی دہائی میں بالی ووڈ فلم انڈسٹری پر راج کیا اور نئے ملینیم کے آغاز سے ہی بھارتی سینما کیلئے کام کرنا رفتہ رفتہ بہت کم کردیا۔
طارق ٹیڈی کے انتقال پر مشہورومعروف شخصیات کا اظہارِ افسوس
اداکارہ سشمیتا سین اپنے سوشل میڈیا اکاؤنٹ کے ذریعے مداحوں سے رابطے میں رہتی ہیں اور وقتاً فوقتاً مختلف خبروں کی شہ سرخیوں میں بھی نظر آجاتی ہیں، گزشتہ روز ہی اداکارہ نے مداحوں کو 47ویں سالگرہ سے آگاہ کردیا۔
#47 ❤️😍💃🏻 pic.twitter.com/PibCJJEzMg
— sushmita sen (@thesushmitasen) November 18, 2022
فوٹو شیئرنگ پلیٹ فارم انسٹاگرام پر اپنے پیغام میں بھارتی اداکارہ نے کہا کہ گزشتہ 13 سال سے 47 کا نمبر مسلسل میرا پیچھا کررہا تھا۔ طویل عرصے سے میں اس کے انتظار میں تھی اور سالگرہ کیلئے پرجوش ہوں۔ سشمیتا سین نے مداحوں سے محبت کا اظہار بھی کیا۔
View this post on Instagram
سشمیتا سین نے سالہا سال تک بھارتی فلموں میں کام کرکے مداحوں کی داد سمیٹی۔ ان کی معروف فلمز میں بیوی نمبر 1، میں ہوں نا، میں نے پیار کیوں کیا؟ اور کیوں کہ میں جھوٹ نہیں بولتا شامل ہیں۔
