اسلام آباد: وزیر اعظم عمران خان نے کینیڈین ہم منصب جسٹن ٹروڈو کے اسلاموفوبیا کے خلاف بیان اور اسلام مخالف معاملات سے نمٹنے کیلئے نمائندۂ خصوصی مقرر کرنے کے فیصلے کا خیر مقدم کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ میں کینیڈین ہم منصب جسٹن ٹرودو کے اسلاموفوبیا کے خلاف مذمتی بیان کا خیر مقدم کرتا ہوں۔
وزیر اعظم کا روسی صدر کو فون، اسلاموفوبیا کے خلاف بیان کا خیر مقدم
ٹوئٹر پیغام میں وزیر اعظم نے کہا کہ میں جسٹن ٹروڈو کے اس منصوبے کا بھی خیر مقدم کرتا ہوں جس کے تحت کینیڈین وزیر اعظم اسلاموفوبیا کیخلاف جنگ کیلئے نمائندۂ خصوصی مقرر کرنا چاہتے ہیں۔
I welcome Prime Minister @JustinTrudeau's unequivocal condemnation of #Islamophobia & his plan to appoint a Special Representative to combat this contemporary scourge. His timely call to action resonates with what I have long argued. Let us join hands to put an end to this menace
— Imran Khan (@ImranKhanPTI) January 30, 2022
خیال رہے کہ اس سے قبل وزیر اعظم عمران خان کے اسلاموفوبیا کے خلاف بیانیے کو روسی صدر کی جانب سے بھی تائید حاصل ہوئی۔ ولادی میر پیوٹن نے کہا کہ نبی ﷺ کی توہین آزادئ اظہارِ رائے نہیں۔
حال ہی میں اپنے ایک ٹوئٹر پیغام میں وزیر اعظم نے کہا کہ میں نے روس کے صدر ولادی میر پیوٹن سے بات چیت کی۔ اس کا بنیادی مقصد اس بیان کو سراہنا تھا کہ آزادئ اظہارِ رائے سے مراد نبی ﷺ کی توہین نہیں۔