گوگل نیوز پر ہمیں فالو کریںاسلام آباد: صدرِ پاکستان ڈاکٹر عارف علوی نے چینی حکومت کی طرف سے صوبہ ہوبائی کے وہان شہر کھولنے کے فیصلے کا خیر مقدم کیا ہے۔
سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے کہا کہ میں اسلامی جمہوریہ پاکستان کی طرف سے چینی صدر ژی جن پنگ کو مبارکباد دیتا ہوں۔
چین کو مبارکباد دیتے ہوئے صدرِ مملکت ڈاکٹر عارف علوی نے کہا کہ ہم منصب ژی جن پنگ کے ساتھ ساتھ میں چینی عوام کو بھی وہان شہر کھولنے پر مبارکباد دیتا ہوں اور اس فیصلے کا خیر مقدم کرتا ہوں۔
صدرِ مملکت ڈاکٹر عارف علوی نے کہا کہ چینی شہر وہان ایک طویل بندش کے بعد کھولا جا رہا ہے جس سے پتہ چلتا ہے کہ چین نے کورونا وائرس پر قابو پا لیا ہے۔
چینی حکومت کے فیصلے کی تائید و حمایت کرتے ہوئے صدرِ مملکت نے کہا کہ کووِڈ 19 (کورونا وائرس) ایک عالمی وباء ہے جس پر چین نے عظیم کاوشوں کے ذریعے قابو پایا۔ چین کو مبارکباد دیتے ہیں۔
On behalf of the Islamic Republic of Pakistan I congratulate President Xi Jinping and the People's Republic of China on the opening of Wuhan after a long closure during which China showed to the world its resolve to limit the spread of Covid-19 virus. A great effort indeed.
— The President of Pakistan (@PresOfPakistan) March 29, 2020
