اسلام آباد کے سیکٹر 12-Hمیں غیر قانونی تجاوزات کے خلاف آپریشن

اسلام آباد:سی ڈی اے کے انفورسمنٹ ڈائریکٹوریٹ کا اسلام آباد کے سیکٹر H-12کی کچی آبادی مومن خان میں غیر قانونی تعمیرات اور تجاوزات کے خلاف آپریشن۔

سی ڈی اے کے انفورسمنٹ ڈائریکٹوریٹ نے بھاری مشینری کے ساتھ کچی آبادی مومن خان میں مزید 8گھر،11کمرے،04 کچن اور 03باتھ رومز کو مکمل طور پر مسمار کر دیا۔

انفورسمنٹ ڈائریکٹوریٹ کی ایک اور ٹیم نے اسلام آباد کے سیکٹر G-11/4میں باؤنڈری وال، 03واش رومز، 03انٹری گیٹ کو بھی مسمار کر دیا۔

F-10مرکز کے رہائشی پلازہ سلور روکس کے تہہ خانے میں غیر قانونی طور پر چلائے جانے والے نیٹ کیفے ہوٹل کو بلڈنگ قانون کی خلاف ورزی کرنے پر سر بمہر کر دیا۔

اس موقع پر سی ڈ ی اے کے بلڈنگ کنٹرول ڈائریکٹوریٹ کا عملہ بھی موجود تھا‘ اسی طرح اسلام آباد کے سیکٹر H-8میں سرکاری اراضی پر بنائے گئے 06وضو خانے اور ایک واٹر ٹینک کو بھی ختم کر دیا گیا۔

آپریشن میں انفورسمنٹ ڈائریکٹوریٹ کے ساتھ اسلام آباد کی ضلعی انتظامیہ، اسلام آباد پولیس اور سی ڈی اے کے بلڈنگ کنٹرول ڈائریکٹوریٹ کے علاوہ دیگر متعلقہ شعبوں نے بھر پور معاونت کی۔