گوگل نیوز پر ہمیں فالو کریںجنیوا: دنیا بھر میں کورونا وائرس کے باعث مزید 816 افراد ہلاک ہو گئے جس کے نتیجے میں اب تک مجموعی اموات کی تعداد 7 ہزار 987 ہو گئی ہے۔
کورونا وائرس کے باعث متاثر ہونے والے افراد کی تعداد میں بھی اضافہ ہو رہا ہے۔ موجودہ اعدادوشمار کے مطابق وائرس سے 1 لاکھ 98 ہزار سے زائد افراد متاثر ہوچکے ہیں۔
ورلڈ و میٹرز کے مطابق اب تک 1 لاکھ 98 ہزار 422 افراد کورونا وائرس سے متاثر ہوئے جن میں سے 6 ہزار415 افراد کی حالت تشویش ناک ہے۔
وائرس کے باعث متاثر ہونے والے افراد میں سے 82ہزار 762 افراد شفا یاب ہوچکے ہیں جسے ایک حوصلہ افزا صورتحال قرار دیا جارہا ہے تاہم وائرس کے تشویشناک کیسز کی تعداد میں اضافہ ہوا ہے۔
اب تک 165 ممالک میں کورونا وائرس پائے جانے کی اطلاعات موصول ہوئی ہیں جبکہ وائرس کے باعث اٹلی، ایران، ہانگ کانگ، فلپائن اور یورپ میں بھی ہلاکتیں ہوئیں۔وائرس پاکستان اور ہمسایہ ممالک سمیت امریکا بھی پہنچ گیا ہے۔
یاد رہے کہ اس سے قبل وزیراعظم پاکستان عمران خان نے کہا کہ کورونا وائرس کے معاملے پر خوف سےملک میں افراتفری پھیل گئی ہے جبکہ یہ وائرس ایک زکام ہےجوتیزی سےپھیلتاہے۔
وزیر اعظم عمران خان نے گزشتہ روز قوم سے خطاب میں کہا کہ کورونا وائرس جلد پھیل جاتا ہے۔15جنوری کوکوروناسےنمٹنےکیلئے اقدامات کافیصلہ کیا۔کورونا وائرس کے 90 فیصد مریضوں کو صرف نزلہ زکام ہوتا ہے۔
مزید پڑھیں: کورونا وائرس سے قوم نے گھبرانا نہیں ہے۔ وزیراعظم
