گوگل نیوز پر ہمیں فالو کریںتعلیمی بورڈ مردان کے سالانہ امتحانات کے نتائج کا اعلان کر دیا گیا ہے جس میں ہونہار طلباء و طالبات نے شاندار کارکردگی کا مظاہرہ کرتے ہوئے نمایاں پوزیشنز حاصل کی ہیں۔
نئے تعلیمی اعداد و شمارکے مطابق بورڈ بھر میں کامیابی کے جھنڈے گاڑنے والے طلباء کی تفصیلات کچھ یوں ہیں۔
مجموعی (اوور آل) پوزیشنز
پہلی پوزیشن: طفیل شہید آرمی کالج مردان کے ہونہار طالب علم محمد مجیب نے شاندار کارکردگی دکھاتے ہوئے 1150 نمبر حاصل کیے اور بورڈ بھر میں اوور آل پہلی پوزیشن اپنے نام کی۔
دوسری پوزیشن: گرلز کیڈٹ کالج مردان کی ذہین طالبہ ماہ نور معراج نے 1143 نمبر لے کر مجموعی طور پر دوسری پوزیشن حاصل کی۔
تیسری پوزیشن: ہدف کالج نوشہرہ کی زنیرا فاطمہ نے 1142 نمبر حاصل کر کے اوور آل تیسری پوزیشن پر اکتفا کیا۔
پری انجینئرنگ گروپ
اول: گرلز کیڈٹ کالج مردان کی زبیرہ ظفر نے 1107 نمبر کے ساتھ پری انجینئرنگ گروپ میں پہلی پوزیشن حاصل کی۔
دوم: اسی ادارے (گرلز کیڈٹ کالج مردان) کی نورِ حرم نے 1105 نمبر لے کر دوسری پوزیشن حاصل کی۔
سوم (مشترک): گرلز کیڈٹ کالج مردان کی زوہا ظفر اور قائداعظم کالج فار بوائز مردان کے محمد عبداللہ نے 1094، 1094 نمبر حاصل کر کے مشترکہ طور پر تیسری پوزیشن حاصل کی۔
جنرل سائنس گروپ
اول: مون لائٹ پبلک سکول اینڈ کالج صوابی کی سلمیٰ بی بی نے 1096 نمبر لے کر جنرل سائنس گروپ میں میدان مار لیا اور پہلی پوزیشن حاصل کی۔
دوم: ہدف کالج صوابی کی ابیہہ حیات 1080 نمبر کے ساتھ دوسرے نمبر پر رہیں۔
سوم (مشترک): ہدف کالج مردان کے محمد حاشر اور دی برائٹن کالج صوابی کی عروصہ گل نے 1074، 1074 نمبر حاصل کر کے تیسری پوزیشن مشترکہ طور پر اپنے نام کی۔
آرٹس گروپ
اول: گورنمنٹ گرلز ہائر سیکنڈری سکول نوشہرہ کی شائستہ نور نے 1076 نمبر حاصل کر کے آرٹس گروپ میں پہلی پوزیشن پر قبضہ جما لیا۔
دوم: گورنمنٹ کالج فار ویمن مردان کی فائزہ نے 1069 نمبر لے کر دوسری پوزیشن حاصل کی۔
سوم: گورنمنٹ گرلز ہائر سیکنڈری سکول پبی نوشہرہ کی کلثوم ناز 1056 نمبر حاصل کر کے آرٹس گروپ میں تیسری پوزیشن حاصل کرنے میں کامیاب رہیں۔
