گوگل نیوز پر ہمیں فالو کریںانٹرنیشنل کرکٹ کاؤنسل (آئی سی سی) نے ایک پول کے نتائج میں عمران خان کو کرکٹ کے کھیل میں سب سے بہترین کپتان قرار دے دیا ہے۔
تفصیلات کے مطابق آئی سی سی پول کے نتیجے میں وزیرِ اعظم عمران خان کو دنیا کا بہترین کپتان قرار دے دیا گیا۔ دنیا بھر میں کرکٹ کے شائقین عمران خان کو ایک عظیم کپتان تسلیم کرتے ہیں۔
آئی سی سی کے سروے میں عمران خان کو کرکٹ کے کپتان کی حیثیت سے 47 فیصد سے زائد ووٹس ملے۔ عمران خان نے بہت عرصہ پہلے کرکٹ چھوڑ کر سیاست کے میدان میں قدم رکھ دیا تھا، تاہم 29 برس بعد بھی عمران خان کا راج کرکٹ پر برقرار ہے۔
Who would you rate as the best among these giants?
— ICC (@ICC) January 12, 2021
موجودہ بھارتی کرکٹ ٹیم کے کپتان ویراٹ کوہلی آئی سی سی سروے میں عمران خان کے بعد 46 فیصد ووٹ حاصل کرکے دوسرے سب سے اہم کپتان مانے گئے جبکہ ساؤتھ افریقہ کے کپتان اے بی ڈیویلیئرز تیسری پوزیشن پر براجمان ہیں۔
یہ بھی پڑھیں: قومی ٹیم کی حالیہ کارکردگی ہماری توقعات کے مطابق نہیں ہے،سلیم یوسف
