گوگل نیوز پر ہمیں فالو کریںکراچی: مشہورومعروف صحافی عمران اسلم 70 برس کی عمر میں انتقال کر گئے جس پر شوبز شخصیات نے تعزیت اور گہرے رنج و غم کا اظہار کیا ہے۔
تفصیلات کے مطابق معروف صحافی، اسکرپٹ رائٹر، وائس اوور آرٹسٹ، نجی ٹی وی نیٹ ورک کے سربراہ اور دانشور عمران اسلم گزشتہ کچھ عرصے سے علالت کے باعث کراچی کے مقامی ہسپتال میں زیرِ علاج تھے۔
نک کا شادی کی سالگرہ پر اہلیہ پریانکا چوپڑا کو پیار بھرا پیغام
شوبز کی مشہورومعروف شخصیات نے عمران اسلم کے انتقال پر تعزیت کا اظہار کیا جن میں علی ظفر، ماہرہ خان، اذان سمیع خان اور اظفر رحمان شامل ہیں۔
اداکارہ ماہرہ خان کا کہنا ہے کہ میں ایک مردوں سے بھرے ہوئے بورڈ روم میں بیٹھنا اور اپنے کیرئیر کے آغاز پر ایک مارننگ شو کی پیشکش کو کبھی نہیں بھول سکتی۔ میں نے ان کو بتایا کہ میں فلم اسٹار بننا چاہتی ہوں۔
ماہرہ خان نے کہا کہ ہر شخص میری بات سن کر یا تو پریشان ہوا یا پھر ہنسنے لگا۔ عمران اسلم مسکرائے۔ بعد میں انہوں نے میری پیٹھ تھپتھپائی اور کہا کہ آپ یہ کر لیں گی۔ عمران اسلم کے بارے میں ہر شخص کے پاس ایک کہانی ہے۔
ہمایوں سعید نے کہا کہ مجھے عمران اسلم کے انتقال کا سن کر گہرا رنج و غم ہوا۔ اللہ تعالیٰ ان کی مغفرت فرمائے۔ میری مخلصانہ تعزیت ان کے اہلِ خانہ کیلئے ہے۔
گلوکار و اداکار علی ظفر نے کہا کہ بڑی تکلیف دہ خبر ہے کہ عمران اسلم انتقال کر گئے۔ وہ بہت منکسر المزاج، مہربان اور مددگار تھے اور ان کی حسِ مزاح بھی منفرد تھی۔
سینئر اداکار و فلم ڈائریکٹر ندیم بیگ نے بھی عمران اسلم کے انتقال پر افسوس کا اظہار کیا۔ عاصم رضا کا کہنا تھا کہ عمران اسلم عقلمندی، صلاحیت اور حسِ مزاح کا پاور ہاؤس تھے۔
