‘ڈونٹ گو عامر بھائی’ کہ ٹرینڈ چلاؤ یا کچھ بھی، میں جارہا ہوں، عامر لیاقت

سوشل میڈیا پر ٹرینڈ، ڈونٹ گو عامر بھائی، مگر میں جارہا ہوں، عامرلیاقت

کراچی: شوبز انڈسٹری کے معروف ٹی وی میزبان اور مذہبی اسکالر عامر لیاقت نے کہا ہے کہ دو دن سےملک میں یہ ٹرینڈ چل رہا ہے، ڈونٹ گو عامر بھائی مگر عامر بھائی اب جارہے ہیں۔

حال ہی میں فوٹو اینڈ ویڈیو شیئرنگ ایپ انسٹاگرام پر عامر لیاقت کی ایک ویڈیو وائرل ہورہی ہے، جس میں اُن کا کہنا ہے کہ اب میں یہاں نہیں رکوں گا، تھوڑا ٹائم مجھے لگے گا کیونکہ میں نے اپنے بچوں کے لئے بینک بیلنس چھوڑ کرجانا ہے، گھر اور گاڑی کا سودا کرنا ہے۔

ویڈیو میں عامر لیاقت نے تیسری اہلیہ دانیہ شاہ کو مخاطب کرتے ہوئے کہا کہ دانیہ واپس آجاتی تو نہیں جاتا لیکن میں اب پاکستان سے جارہا ہوں۔

یہ بھی پڑھیں:عامر لیاقت نے اپنے آنسو شاہد آفریدی کے نام کردیئے

انہوں نے کہا کہ آپ لوگوں سے اتنی درخواست ہے کہ مجھے چاہتے ہوں یا نہ آپ کی محبت کہ دودن سے ملک میں یہ ٹرینڈ چل رہا ہے، ڈونٹ گو عامر بھائی مگر عامر بھائی اب جارہے ہیں، اس لئے کیونکہ ان کا دل بہت دکھا ہے۔

مزید برآں عامر لیاقت نے کہا کہ میرے ساتھ لوگوں کا سلوک اچھا نہیں تھا، آپ نے مجھ پر میمز بنائیں، میرے ساتھ زیادتی کی، میرا مذاق اڑایا اور کردار کشی بھی کی۔

انہوں نے کہا کہ میری زندگی کہ 24 سال لوگ مجھے بہت سی ایسی باتیں بھی کہتے رہے جو کہ ناقابل برداشت تھیں لیکن میں اُن سب کو ہنس کر ٹالتا رہا لیکن اب بس میں جارہا ہوں۔

تبصرے: 0

آپ کا ای میل پتہ شائع نہیں کیا جائے گا۔ مطلوبہ فیلڈز * کے ساتھ نشان زد ہیں