گوگل نیوز پر ہمیں فالو کریںلنکا پریمیئر لیگ میں گال گلیڈی ایٹرز کے کپتان شاہد خان آفریدی کے بغیر ہی ٹیم سیمی فائنل میں کامیابی حاصل کرکے فائنل میں پہنچ گئی ہے۔
تفصیلات کے مطابق شاہد آفریدی ذاتی ہنگامی ضرورت کے پیشِ نظر گال گلیڈی ایٹرز کی قیادت چھوڑ کر وطن واپس آگئے تھے، گال گلیڈی ایٹرز نے دھننجا لکشن کے زبردست کھیل کے باعث سیمی فائنل جیت لیا۔
ایل پی ایل کے سیمی فائنل میں سری لنکا سے تعلق رکھنے والے کھلاڑی دھننجا لکشن نے 23 گیندوں پر 31 رنز بنا کر اپنی ٹیم کی کامیابی میں اہم کردار ادا کیا۔ مقابلے پر موجود کولمبو کنگز نے گال گلیڈی ایٹرز کو 150 رنز کا ہدف دیا تھا۔
گال گلیڈی ایٹرز نے 151 رنز بنا کر ہدف مقررہ وقت میں پورا کردیا جس کے بعد دھننجا لکشن مین آف دی میچ قرار پائے۔ کولمبو کنگز کے بیل ڈرومنڈ 70 رنز بنا کر بھی اپنی ٹیم کو فاتح بنانے میں کامیاب نہ ہوسکے۔
#gallegladiators in FINALS!
👏 What a knock by former Sri Lanka U19 star Dhananjaya Lakshan 🔥He hit a match-winning 31* from 23 balls to take Galle Gladiators to the LPL – Lanka Premier League 2020 final!#lpl #lpl2020 pic.twitter.com/h7or7yTOGu
— Cricket Live Scores (@Cricket27233986) December 13, 2020
مجموعی طور پر 6 میچز ہارنے کے باوجود صرف 3 میچز جیت کر گال گلیڈی ایٹرز کی ٹیم نے فائنل تک رسائی حاصل کی ہے جسے شاہد آفریدی جیسے کپتان کے بغیر لنکا پریمیئر لیگ میں بڑی کامیابی قرار دیا جارہا ہے۔
یاد رہے کہ اِس سے قبل پاکستان کرکٹ ٹیم کے سابق کپتان اور جارحانہ بلے باز شاہد آفریدی لنکا پریمیئر لیگ ادھوری چھوڑ کر وطن واپسی کے لئے روانہ ہوگئے۔
آل راؤنڈر شاہد آفریدی ’لنکا پریمیئر لیگ‘ (ایل پی ایل) میں گال گلیڈی ایٹرز کی کپتانی کے فرائض سرانجام دے رہے تھے، ایونٹ کے پہلے میچ میں مایہ ناز بلے باز شاہد آفریدی نے دھواں دھار اننگز کھیلتے ہوئے نصف سنچری اسکور کی اور ٹیم کو فتح سے ہمکنار کرایا تھا۔
مزید پڑھیں: شاہد آفریدی لنکن پریمیئر لیگ ادھوری چھوڑ کر وطن واپسی کیلئے روانہ
