اسلام آباد: وزیرِ اعظم عمران خان نے عوام سے کیا گیا ایک اور وعدہ وفا کرتے ہوئے وزیرِ اعظم ہاؤس کے اخراجات میں 38 فیصد جبکہ عملے کی تعداد میں 68 فیصد کمی کردی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم کے معاونِ خصوصی برائے سیاسی ابلاغ ڈاکٹر شہباز گِل نے کہا کہ وزیرِ اعظم عمران خان نے اپنے وعدے کے مطابق وزیرِ اعظم ہاؤس کے اخراجات اور عملے کی تعداد میں واضح کمی کردی ہے۔
پیغام میں ڈاکٹر شہباز گِل نے کہا کہ سن 2018ء میں وزیرِ اعظم ہاؤس کا عملہ 552 افراد پر مشتمل تھا جو 68 فیصد کمی کے بعد صرف 118 افراد پر مشتمل ہے۔ اخراجات میں 38 فیصد کمی کی گئی۔ 2018ء میں اخراجات 50 کروڑ 90 لاکھ روپے تھے جو موجودہ حکومت نے 31 کروڑ 60 لاکھ کردئیے ہیں۔
وزیراعظم عمران خان نے اپنےوعدے کے مطابق وزیراعظم ہاوس کے سٹاف اور اخرجات میں واضح کمی کی
2018میں وزیراعظم ہاوس کا عملہ 552جبکہ اب 68%کمی کے بعد صرف 180افراد پر مشتمل ہیں
اخراجات میں 38%کمی کی گئی2018 میں 50.9کڑور خرچ کیے گئے جبکہ موجود حکومت نے 31.6کڑور خرچ کیے.
غریب کا کپتان
— Dr. Shahbaz GiLL (@SHABAZGIL) September 9, 2020
یہ بھی پڑھیں: ٹوئٹر پر 10 لاکھ فالوورز، وزیرِ اعظم آفس کا اظہارِ مسرت