گوگل نیوز پر ہمیں فالو کریںکراچی: پاکستان اسٹاک مارکیٹ میں آج کاروباری ہفتے کے چوتھے روز بھی مسلسل مندی کے بادل چھائے ہوئے ہیں۔ کاروبار کے آغاز سے ہی 1752 پوائنٹس کی کمی ریکارڈ کی گئی جس پر کاروبار کو 45 منٹ کیلئے بند کردیا گیا۔
پاکستان اسٹاک مارکیٹ میں گزشتہ 9 روز سے مسلسل مندی کے باعث کاروبار کو کم و بیش 6 بار بند کرنا پڑا جس سے مارکیٹ کی صورتحال کا اندازہ کیا جاسکتا ہے۔
اسٹاک مارکیٹ میں آج 30 ہزار 416 پوائنٹس پر کاروبار کا آغاز ہوا جس کے بعد ملک میں تیزی سے پھیلتے ہوئے کورونا وائرس سے پیدا ہونے والی کاروباری صورتحال کا اثر نظر آنے لگا۔
کے ایس ای 100 انڈیکس میں مجموعی طور پر 1752.01 پوائنٹس کی کمی ہوئی جس کے بعد مارکیٹ 28 ہزار 664.04 پوائنٹس کی سطح پر آگئی۔
اس کے علاوہ آل شیئر انڈیکس میں 989.98 ، کے ایس ای 30 انڈیکس میں 916.70، کے ایم آئی 30 انڈیکس 3211.23 پوائنٹس جبکہ آل شیئر انڈیکس میں 828.21 پوائنٹس کی کمی ہوئی۔
