پاکستان کی قومی کرکٹ ٹیم کو دورۂ انگلینڈ کے دوران آج کورونا وائرس کی روک تھام پر بریفنگ دی گئی جس میں کہا گیا ہے کہ اگر بیمار ہونے سے بچنا ہے تو سماجی فاصلہ بے حد ضروری ہے۔
سماجی رابطے کی ویب سائٹ ٹوئٹر پر اپنے پیغام میں پاکستان کرکٹ بورڈ (پی سی بی) نے کہا کہ قومی کرکٹ ٹیم کو انگلینڈ کے شہر ورسسٹرشائر میں کورونا وائرس کی روک تھام کیلئے بریفنگ دی گئی۔
پیغام میں کرکٹ بورڈ نے کہا کہ ڈائریکٹر میڈیکل اور اسپورٹس سائنسز ڈاکٹر سہیل سلیم اور ٹیسٹ ٹیم کے کپتان اظہر علی نے قومی کرکٹ ٹیم کو وائرس کی روک تھام کیلئے بریفنگ دی۔
کرکٹ بورڈ کے مطابق ورسسٹر شائر میں قومی کرکٹ ٹیم کو کورونا وائرس سے روک تھام کے قواعد و ضوابط سے آگاہ کیا گیا جبکہ دورۂ انگلینڈ کے دوران کرکٹ کا تربیتی پلان اور میچ سے قبل مشقوں کے بارے میں بھی آگہی دی گئی۔
Director – Medical and Sports Sciences, Dr Sohail Saleem and Test Captain @AzharAli_ briefing the team about the Covid-19 protocols and training plan in Worcestershire. pic.twitter.com/aKSdaWBkVI
— Pakistan Cricket (@TheRealPCB) June 30, 2020