گوگل نیوز پر ہمیں فالو کریںلاہور :پاکستان کرکٹ ٹیم کے 20 کھلاڑی انگلینڈ کیخلاف تین ٹیسٹ اور تین ٹی ٹوئنٹی میچوں کی سیریز کے لئے آج چارٹرڈ فلائٹ سے مانچسٹر روانہ ہوگئے ہیں۔
مانچسٹر پہنچنے پر اسکواڈ کو ورسٹر شائر پہنچایا جائے گا جہاں کھلاڑی 14 روزہ قرنطینہ کی مدت پوری کرنے کے بعد انگلینڈ کرکٹ بورڈ کے ٹیسٹ سے گذریں گے ۔
انگلینڈ روانہ ہونیوالوں میں ٹیسٹ ٹیم کے کپتان اظہر علی ، نائب کپتان بابر اعظم ، عابد علی ، اسد شفیق ، فہیم اشرف ، فواد عالم ، افتخار احمد ، عماد وسیم ، امام الحق ، خوشدل شاہ ، محمد عباس ، موسیٰ خان ، نسیم شاہ ، روحیل نذیر ، سرفراز احمد ، شاہین شاہ آفریدی ، شان مسعود ، سہیل خان ، عثمان شنواری ، اور یاسر شاہ شامل ہیں۔
On our way to another historic Pakistan tour to England. Its always great to play in England and I look forward to get on this journey with our talented bunch of players. Fans, as always we would be in need of you prayers, love and unconditional support. #PAKvENG #RiseAndRise pic.twitter.com/8KLFQjAYNU
— Babar Azam (@babarazam258) June 28, 2020
کلف ڈیون اور وقار یونس جنوبی افریقہ اور آسٹریلیا سے ٹیم کو جوائن کرینگے جبکہ شعیب ملک 24 جولائی تک ٹیم کا حصہ بن جائینگے۔
بدھ کے روز چار ریزرو کھلاڑیوں میں سے صرف عمران بٹ کا کورونا کا ٹیسٹ مثبت آیا جبکہ بلال آصف ، محمد نواز اور موسیٰ خان کے ٹیسٹ منفی تھے۔
مزید پڑھیں: 10 کھلاڑی کورونا کا شکار، دورہ انگلینڈ پر نظر ثانی کی ضرورت ہے
