گوگل نیوز پر ہمیں فالو کریںلاہور: وزیرِ اعلیٰ پنجاب سردار عثمان بزدار نے کہا ہے کہ اپوزیشن جماعتوں کا پی ڈی ایم اتحاد رفتہ رفتہ اپنے منطی انجام کی طرف بڑھ رہا ہے۔
پاکستان ڈیموکریٹک موومنٹ (پی ڈی ایم) کے خلاف اپنے بیان میں وزیرِ اعلیٰ پنجاب سردار عثمان بزدار نے کہا کہ غیر فطری اتحاد کی بنیاد بدعنوانی کے داغ دھبے چھپانے کیلئے ڈالی گئی۔
وزیرِ اعلیٰ پنجاب سردار عثمان بزدار نے کہا کہ پی ڈی ایم اتحاد جس تیزی سے قائم ہوا، اسی تیزی سے اختتام کی جانب گامزن ہے۔ قومی وسائل لوٹنے والوں کے چہرے قوم کے سامنے آشکار ہوچکے ہیں۔
انہوں نے کہا کہ لوٹ مار کا دور گئے وقتوں کی بات بن گیا جبکہ اپوزیشن جماعتوں نے ماضی میں قومی خزانے پر بے دردی سے ہاتھ صاف کیے۔ آج پی ڈی ایم اتحاد کا شیرازہ بکھرتا ہوا نظر آرہا ہے۔
یہ بھی پڑھیں: ن لیگی رکنِ اسمبلی خواجہ عمران نذیر کی ضمانت منظور
