وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ مقبوضہ جموں و کشمیر میں بھارت کو غیر قانونی اقدامات سے روک کر پناہ گزینوں کےبحران سے بچاؤ ممکن ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ ہمیں دُنیا سے اُن حالات کا خاتمہ کرنا ہوگا جن کے باعث لوگ پناہ گزین بننے پر مجبور ہیں۔
عمران خان کے دورۂ سوئٹزرلینڈ کے حوالے سے معاونِ خصوصی فردوس عاشق اعوان نے کہا کہ وزیر اعظم نے ہر عالمی فورم کی طرح اِس فورم پر بھی مقبوضہ کشمیر میں بھارتی وحشیانہ و غیر انسانی قبضے سے پوری دنیا کو آگاہ کیا۔
معاونِ خصوصی اطلاعات فردوس عاشق اعوان نے کہا کہ جموں و کشمیر میں بھارت کو غیر انسانی اقدامات سے باز رکھ کر مہاجرین کے ایک بڑے بحران سے بچا جاسکتا ہے۔
مقبوضہ کشمیر میں بھارت کو غیر قانونی غیر انسانی اقدامات سے باز رکھ کر مہاجرین کے ایک بڑے بحران سے بچا جاسکتا ہے۔
2/2— Dr. Firdous Ashiq Awan (@Dr_FirdousAwan) December 19, 2019
ڈاکٹر فردوس عاشق اعوان نے کہا کہ وزیر اعظم عمران خان کا گلوبل پناہ گزین فورم سے خطاب اور بے بس و بے وسیلہ مہاجرین کے مسائل پر روشنی ڈالنے سے مہاجروں کی مشکلات کا پوری دنیا کو ادراک ہوا۔
فردوس عاشق اعوان نے کہا کہ پاکستان غریب ملک ہونے کے باوجود 30 لاکھ پناہ گزینوں کی میزبانی کر رہا ہے جبکہ تمام تر مشکلات کے باوجود 40 سال سے افغان مہاجرین کی میزبانی پر پاکستانی قوم قابلِ تعریف ہے۔
پاکستان غریب ملک ہونے کے باوجود 30 لاکھ مہاجرین کی میزبانی کر رہا ہے ہے۔ تمام تر مشکلات کے باوجود 40سال سے افغان مہاجرین کی میزبانی پر پاکستانی قابل تعریف ہے۔
— Dr. Firdous Ashiq Awan (@Dr_FirdousAwan) December 19, 2019
یاد رہے کہ اس سے قبل معاون خصوصی برائے اطلاعات فردوس عاشق اعوان نے کہا کہ ادارے ریاست کے ستون ہیں، ہم نے اپنے اداروں کو مضبوط کرنا ہے، وزیراعظم کا موقف ہے کہ ہم نے قانون کا دفاع اور انصاف کا ساتھ دینا ہے۔
تحریک انصاف کی کور کمیٹی کے اجلاس کے بعدگزشتہ روز پریس کانفرنس میں فردوس عاشق اعوان کا کہنا تھا کہ اجلاس میں مختلف معاملات زیر بحث آئے جس میں اہم معاملہ کل کا فیصلہ تھا اس میں لیگل ٹیم نے کور کمیٹی کو آگاہ کیا۔
مزید پڑھیں: ہمیں قانون کا دفاع کرنا، انصاف کا ساتھ دینا ہے، فردوس عاشق اعوان