گوگل نیوز پر ہمیں فالو کریںشوبز انڈسٹری کی معروف گلوکارہ آئمہ بیگ نے سحر انگیز گلوکاری کیلئے نئی منطق اور تجربہ پیش کرکے سوشل میڈیا پر دھوم مچادی۔
سوشل میڈیا پلیٹ فارم پر گلوکارہ آئمہ بیگ کی ایک دلچسپ اور مزاحیہ ویڈیو گردش کرتی نظر آرہی ہے جس میں انہیں کار میں بیٹھے گول گپوں کا مزہ لیتے دیکھا جاسکتا ہے۔
ویڈیو میں گلوکارہ سے انکی ایک دوست کیمرے کے عقب سے پرفارمنس کے حوالے سے سوال کرتی ہیں جس کے جواب میں آئمہ بیگ کا کہنا تھا کہ شو میں میری پہلی پرفارمنس ہے لیکن اس سے قبل یہ گلے کیلئے ہے۔
View this post on Instagram
شوبز انڈسٹری کی معروف گلوکارہ نے گول گپے کھانے کا طریقہ بتاتے ہوئے مزید کہا کہ اگر آپ چاہتے ہیں کہ آپ سُر میں گائیں تو اس سے پہلے آپ گول گپے کھٹے پانی کے ساتھ کھائیں۔
گلوکارہ کا سحر انگیز گلوکاری سے قبل کھٹے پانی کے ساتھ گول گپے کھانے کے اس مشورے نے سوشل میڈیا صارفین کو دلچسپ تبصرے کرنے پر مجبور کردیا۔
جیسے ہی یہ عجیب و غریب مشورے کی ویڈیو سوشل میڈیا پر وائرل ہوئی صارفین کا آئمہ بیگ کی آواز پر تنقید کرتے ہوئے کہنا تھا کہ،’اس میں کوئی تعجب نہیں کہ آئمہ بیگ خوفناک آواز میں کیوں گاتی ہے۔‘
ایک اور صارف نے آئمہ کی گلوکاری پر تبصرہ کرتے ہوئے لکھا کہ،’شاید آئمہ بیگ کے پھٹے ڈھول کی یہی وجہ ہے، اسی کے ساتھ کئی صارفین نے گلوکارہ کی آواز کو بے سُرا قرار دے دیا۔
