گوگل نیوز پر ہمیں فالو کریںاسلام آباد: رحمت اللعالمین ﷺ اتھارٹی نے اسلام کی ترویج و اشاعت پر مبنی ویڈیو ریلیز کردی جس پر وزیر اعظم عمران خان نے اپنی ٹیم کو خراجِ تحسین پیش کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ میری ٹیم نے انتہائی مختصر وقت میں اسلام کی ترویج و اشاعت، مسلم اقتدار اور تعلیم و تعلم کے احیاء پر مبنی ویڈیو تیار کی۔
پاکستان کے ساتھ مذاکرات درست سمت میں داخل ہو گئے۔آئی ایم ایف
پاک بحریہ کی پیشہ ورانہ صلاحیتوں کا معترف ہوں، شیخ رشید
پیغام میں وزیر اعظم عمران خان نے کہا کہ ٹیم نے اسلام کی ترویج اور اس کے پیچھے مسلمانوں پر اترتے ہوئے زوال پر مبنی ویڈیو کی تیاری میں جس جذبے اور لگن سے کام کیا ہے، وہ لائقِ تحسین ہے۔
وزیر اعظم عمران خان نے رحمت اللعالمین اتھارٹی کی تعریف کرتے ہوئے کہا کہ ہمارے نوجوانوں کو بطورِ خاص ویڈیو کی مدد سے اسلام کی ترویج و اشاعت اور زوال سے متعلق حقائق سمجھنے کی ضرورت ہے۔
میری ٹیم نےنہایت مختصر وقت میں اسلام کی ترویج و اشاعت، مسلم اقتدار اورتعلیم و تَعَلُّم کےاحیاء اور اسکےپیچھے(مسلمانوں پر) اترتےزوال پر مبنی اس ویڈیو کی تیاری میں جس جذبےاور لگن سےکام کیاہےوہ لائقِ تحسین ہے۔ہمارےنوجوانوں کو بطورِخاص یہ سب سمجھنےکی ضرورت ہے۔pic.twitter.com/cHuPEKmpfH
— Imran Khan (@ImranKhanPTI) October 20, 2021
خیال رہے کہ اس سے قبل وزیراعظم عمران خان نے رحمت اللعالمین ﷺ اتھارٹی کے قیام کا اعلان کرتے ہوئے کہا کہ اتھارٹی کے ذریعے بچوں اور بڑوں کو سیرتِ نبوی ﷺ پڑھانے کا طریقہ کار طے کیا جائے گا۔
آج سے 5 روز قبل وزیر اعظم نے کہا کہ رحمت اللعالمین ﷺ اتھارٹی کے ذریعے اسکولوں کے نصاب کی نگرانی کی جائے گی۔ 12 ربیع الاول کو عید میلاد النبی ﷺ ہمارے لیے بہت بڑی خوشی کا دن ہے۔
مزید پڑھیں: وزیراعظم عمران خان نے رحمت اللعالمین ﷺ اتھارٹی کے قیام کا اعلان کردیا
