گوگل نیوز پر ہمیں فالو کریںعمرکوٹ:بیماری، غربت اور افلاس سے تنگ آکر محنت کش میاں بیوی نے خود کشی کرلی۔ پولیس نے نعشوں کو تحویل میں لے کر پوسٹ مارٹم کے لیے اسپتال منتقل کردیا ہے اوراصل حقائق جاننے کے لیے تفتیش کا آغاز کردیا ہے۔
پولیس کے مطابق عمر کوٹ کے علاقے چھور کے قریبی گائوں میں بیماری سے تنگ آکر بیوی نے خود کشی کی تو اس کی نعش جھولتی دیکھ کر غریب محنت کش ہمت ہار بیٹھا اور خود کو بھی لٹکا کر خود کشی کرلی۔علاقہ مکینوں کے مطابق بیمار بیوی کا گزشتہ کچھ عرصے سے غربت کے باعث علاج نہیں ہو پارہا تھا جس کی وجہ سے گھر میں سخت پریشانی تھی۔
مزید پڑھیں : ادارے بند ہونے سے لوگ خودکشی کا سوچ رہے ہیں،جاویدمیاں داد
میاں بیوی کی جانب سے خودکشی کی اطلاع ملنے پر علاقہ پولیس جائے وقوعہ پر پہنچی اور اس نے نعشوں کو تحویل میں لے کر پوسٹ مارٹم کے لیے اسپتال منتقل کردیا۔پولیس نے جائے وقوع سے ثبوت و شواہد بھی اکھٹے کیے ہیں جن کا تفصیلی معائنہ کیا جارہا ہے تاکہ حقائق کی تہہ تک پہنچا جا سکے۔
میڈیا سے بات چیت میں ایس ایچ او نیو چھورنے بتایاکہ بظاہر تو خود کشی دکھائی دے رہی ہے لیکن فی الوقت حتمی طور پر کچھ کہنا نا ممکن ہے۔ انہوں نے کہا کہ حقائق جاننے کے لیے مزید انتظار کرنا پڑے گا۔
یہ بھی پڑھیں : لاہور کے علاقے گرین ٹاؤن میں گھریلو حالات کے باعث شہری نے خودکشی کر لی
