گوگل نیوز پر ہمیں فالو کریںغزہ کی جنوبی پٹی کے علاقے خان یونس میں بدھ کے روز ایک آرمرڈ گاڑی پر نصب بم کے دھماکے سے سات اسرائیلی فوجی ہلاک ہوگئے۔
اسرائیلی فوج کے مطابق، ہلاک ہونے والوں میں پانچ عام سپاہی اور ایک پلاٹون کمانڈر شامل ہیں۔ ساتویں فوجی کا نام اہلِ خانہ کی درخواست پر ظاہر نہیں کیا گیا۔
یہ واقعہ 7 اکتوبر 2023 کو اسرائیل پر ہونے والے حملے کے بعد سے جاری جنگ کا ایک اور خونیں باب ہے۔ اب تک تقریباً 860 اسرائیلی فوجی ہلاک ہوچکے ہیں، جبکہ غزہ میں فلسطینی ہلاکتوں کی تعداد 56,000 سے تجاوز کرچکی ہے۔
غزہ کی 20 لاکھ سے زائد آبادی اس وقت شدید انسانی بحران کا شکار ہے۔ خوراک، پانی، اور طبی سہولتوں کی شدید کمی ہے۔ اسپتالوں میں بیڈز، وینٹی لیٹرز، اور ادویات کی کمی نے صورتحال کو مزید پیچیدہ بنا دیا ہے۔
امدادی تنظیموں کے مطابق، اسپتالوں میں بجلی کی فراہمی بھی متاثر ہوچکی ہے، جس کی وجہ سے علاج معالجے میں مشکلات پیش آرہی ہیں۔
ایران اور اسرائیل کے درمیان منگل کو طے پانے والی عارضی جنگ بندی کے فوری بعد، اسرائیلی فوج کے چیف آف اسٹاف ایال ضمیر نے واضح کیا کہ غزہ میں کارروائیوں کا نیا دور شروع ہو رہا ہے۔
