گوگل نیوز پر ہمیں فالو کریںپاکستان کے سابق فاسٹ بولر محمد عامر کا پاکستان کی آسٹریلیا کے ہاتھوں ٹیسٹ سیریز میں شکست پر اہم بیان آگیا۔
پاکستان کی جانب سے دیا جانے والا 130 رنز کا ہدف کینگروز نے دو وکٹوں کے نقصان پر 26ویں اوور میں ہی حاصل کرلیا۔آسٹریلیا نے پاکستان کو تیسرے اور آخری ٹیسٹ میچ میں 8 وکٹوں سے شکست دے کر وائٹ واش کردیا۔
Winning and losing is all part of the game! We may have lost the cricket series against Australia, but let’s learn from it and come back stronger. Shan Masood is doing great, so let’s back him up. Amir Jamal was brilliant, and we should appreciate his efforts!
— Mohammad Amir (@iamamirofficial) January 6, 2024
میچ کے چوتھے روز پاکستانی ٹیم اپنی دوسری اننگز کے اختتام پر صرف 47 رنز کا اضافہ کرکے آؤٹ ہو گئی، اننگز کا آغاز محمد رضوان اور عامر جمال نے کیا، محمد رضوان 28 رنز بنا کر لیون جب کہ عامر جمال 18 رنز بنا کر پیٹ کمنز کا شکار بنے۔ حسن علی نے 5 رنز بنائے اور ناتھن لیون کی بال پر بولڈ ہو گئے جب کہ میر حمزہ صرف 1 رن بنا کر ناٹ آؤٹ رہے۔
آسٹریلیا کی جانب سے ہیزل ووڈ نے چار کھلاڑیوں کو پویلین کی راہ دکھائی، نیتھن لائن نے تین وکٹیں حاصل کیں۔
تاہم سابق فاسٹ بولر محمد عامر نے سماجی رابطے کی ویب سائٹ ایکس (ٹوئٹر) پر لکھا کہ ’جیت اور ہار کھیل کا حصہ ہے، ہم آسٹریلیا کے خلاف سیریز ہار گئے لیکن آئیے اس سے سبق سیکھیں اور مضبوطی سے واپس آئیں۔‘
انہوں نے لکھا کہ ’شان مسعود بہت اچھی خدمات انجام دے رہے ہیں تو آئیے ان کا بیک اپ لیں، عامر جمال نے شاندار کارکردگی دکھائی ہمیں ان کی کوششوں کو سراہنا چاہیے۔‘
