گوگل نیوز پر ہمیں فالو کریںہالی ووڈ اداکار کرسچن اولیور طیارے کے المناک حادثے میں اپنی 2 معصوم بیٹیوں سمیت لقمہ اجل بن گئے۔
غیر ملکی ذرئع ابلاغ کے مطابق کرسچن اولیور اور ان کی دو بیٹیاں کیریبین میں ایک طیارے کے حادثے میں ہلاک ہو گئے، اولیور ہالی ووڈ فلموں انڈیانا جونز، اسپیڈ ریسر اور والکیری میں اپنے کردار کے لیے مشہور تھے۔
US actor Christian Oliver and his two daughters died in a plane crash near a tiny private island in the eastern Caribbean, according to police in St Vincent and the Grenadines.https://t.co/i0MwuG8E4Y pic.twitter.com/xrgxbDMYW6
— Jamaica Observer (@JamaicaObserver) January 5, 2024
کرسچن اولیور جمعرات کو اپنی بیٹیوں کے ہمراہ ایک چھوٹے طیارے میں کیریبین ملک سینٹ ونسنٹ سے سینٹ لوشیا جا رہے تھے، کہ طیارہ کیریبین جزیرے کے حادثے کا شکار ہوگیا۔
طیارے کے مالک اور پائلٹ رابرٹ ساکس بھی حادثے میں ہلاک ہو گئے، طیارے کے مسافروں میں صرف اولیور، جن کا اصل نام کرسچن کلیپسر ہے، اور ان کی بیٹیاں 10 سالہ مدیٹا اور 12 سالہ اینِک شامل تھے۔
مقامی حکام کے مطابق پرواز نے جے ایف مچل بیکیا ایئرپورٹ سے اڑان بھری تھی، ٹیک آف کے کچھ ہی دیر بعد طیارے کو اڑان بھرنے میں مشکلات کا سامنا کرنا پڑا، پائلٹ نے کنٹرول ٹاور کو بتایا کہ وہ واپس مڑ رہا ہے لیکن اس کے بعد رابطہ منقطع ہو گیا۔
