گوگل نیوز پر ہمیں فالو کریںراولپنڈی: سرپرائز ڈے کے موقعے پر آئی ایس پی آر نے پیغام جاری کرتے ہوئے کہا ہے کہ 27 فروری کا تاریخی دن مسلح افواج کے مؤثر ردِ عمل کی یاد دلاتا ہے۔
سماجی رابطے کی ویب سائٹ ٹوئٹر پر اپنے پیغام میں پاک فوج کے شعبۂ تعلقاتِ عامہ (آئی ایس پی آر) نے کہا کہ پاکستان کی مسلح افواج نے 27 فروری کو بھارتی جارحیت کا منہ توڑ جواب دیا۔
پاک فوج کے شعبۂ تعلقاتِ عامہ (آئی ایس پی آر) نے کہا کہ جس طریقے سے 27 فروری کو ہم نے دشمن کو جواب دیا، وہ اس بات کا ثبوت ہے کہ ہم دشمنوں کو جواب دینا جانتے ہیں۔
آئی ایس پی آر کے پیغام میں کہا گیا کہ پاکستان کے دشمنوں سے ملک کی حفاظت ہمیشہ کرتے رہیں گے اور ہمیشہ انہیں شکست دیں گے۔ ہمارے مخالفین ہمارے جارحانہ جوابات سے ہر بار حیرت زدہ ہوتے رہیں گے۔
27 Feb commemorates resolve of Pakistan Armed Forces against any aggression. The way we responded on this day is a proof that any misadventure by enemies of Pakistan will always be defeated. Our adversaries will be surprised with our bold responses every time.#SurpriseDay
— DG ISPR (@OfficialDGISPR) February 27, 2020
یاد رہے کہ اس سے قبل پاک فوج نے 27 فروری کے قومی دن کی مناسبت سے سرپرائز ڈے کا نغمہ جاری کردیا ، گزشتہ برس اسی روز پاک فضائیہ کے شاہینوں نے ملکی تاریخ کا بہترین کارنامہ سرانجام دیا۔
مسلح افواج کے شعبۂ تعلقاتِ عامہ (آئی ایس پی آر) نے 27 فروی کے حوالے سے نغمہ جاری کیا جس کے بول ”چڑھتا سورج ہے اپنا پاکستان“ رکھے گئے ہیں جو ملک کو سورج سے تشبیہ دینے کا استعارہ ہے۔
مزید پڑھیں: 27 فروری کے قومی دن کی مناسبت سے نغمہ جاری کردیا گیا
