کوالالمپور: ملائشیا کے 2 نیوی ہیلی کاپٹرز کا فضا میں تصادم ہوا جس کے نتیجے میں 10 افراد جاں بحق ہوگئے ہیں۔واقعے کی ویڈیو سوشل میڈیا پر وائرل ہوگئی۔
تفصیلات کے مطابق ملائشیا کے 2 نیول ہیلی کاپٹرز آج فضا میں نیول پریڈ کی ریہرسل کے دوران ٹکرا گئے جس کے نتیجے میں ہیلی کاپٹرز پر سوار نیول عملے کے 10 افراد جاں بحق ہوگئے۔ ملائشین نیوی نے ہلاکتوں کی تصدیق کردی۔
آج صبح 9 بج کر 32 منٹ پر ملائشیا کی مگربی ریاست پیراک میں واقع لومت نیول بیس پر ہونے والے افسوسناک حادثے کے نتیجے میں بھاری جانی نقصان ہوا۔ ملائشین نیوی کا کہنا ہے کہ تمام متاثرہ افراد جاں بحق ہوگئے۔
ملائشین بحریہ کا مزید کہنا ہے کہ واقعے میں زخمی ہونے والے افراد موقعے پر دم توڑ گئے جن کو لومت نیول بیس کے ملٹری ہسپتال منتقل کیا گیا تاکہ ان کی شناخت کی جاسکے جبکہ واقعے کی ایک ویڈیو بھی سامنے آگئی۔
Two military helicopters collided with each other in midair in Lumut, Malaysia.
10 Casualties , very bad news coming from malesia !
RIP for all Soldiers ✈️#MalaysiaMadani #HelicopterCrash pic.twitter.com/Pthnft2GS2 pic.twitter.com/bR6Y5pr828— PretMeena (@PretMeena) April 23, 2024
مقامی میڈیا پر وائرل ہونے والی ویڈیو میں کچھ ہیلی کاپٹرز فارمیشن کے تحت اڑتے دکھائی دیتے ہیں جن میں سے دو کا آپس میں تصادم ہوجاتا ہے۔ مقامی پولیس نے فوٹیج کے حقیقی ہونے کی تصدیق کی ہے۔