گوگل نیوز پر ہمیں فالو کریںاسلام آباد:اقوام متحدہ کی جنرل اسمبلی میں انسانی حقوق کے فروغ اور تحفظ کے لیے کاؤنٹرنگ ڈس انفارمیشن پر پاکستان کی قرارداد متفقہ طور پر منظور کرلی گئی۔
ترجمان دفترخارجہ کے مطابق پاکستان نے دنیا بھر میں ڈس انفارمیشن کے پھیلاؤ کو دیکھتے ہوئے اس کے خلاف قدم اٹھایاتھا،جس کے بعد یواین جنرل اسمبلی نے پاکستان کے تعاون سے انسانی حقوق اور بنیادی آزادی کے تحفظ اور فروغ کے لیے ڈس انفارمیشن کا انسدادکے عنوان سے پیش کی گئی قرار داد متفقہ طور پر منظور کرلی۔
ترجمان دفترخارجہ نے کہا کہ یہ فینومینا سوشل میڈیا میں شدید تر ہوگیا ہے، جو تفریق کو ہوا دینے، نفرت انگیز تقاریر، اشتعال دلانے، اسلاموفوبیا اور اس طرح عدم برداشت کو پھیلا رہا ہے، دفترخارجہ کے بیان میں کہا گیا کہ متفقہ قرارداد اقوام متحدہ میں ریاستوں اور متعلقہ اسٹیک ہولڈرز کی جانب سے ڈس انفارمیشن کے انسداد کے لیے مؤثر مہم شروع کرنے اور شفافیت کو فورغ دینے کے لیے معاون ہوگی۔
ترجمان دفترخارجہ نےبیان میں بتایا گیا ہے کہ قرارداد انسانی حقوق اور بنیادی آزادی پر تیزی سے پھیلنے والی ڈس انفارمیشن کے منفی اثرات کو نمایاں کر رہی ہے،انہوں نے کہا آن لائن پلیٹ فارمز اور سوشل میڈیا کمپنیوں سمیت کاروباری تنظیموں کو کہا گیا ہے وہ ان کے پلیٹ فارمز ڈس انفارمیشن پھیلانے کے لیے استعمال نہیں کریں جو امتیاز، نفرت پھیلانے، کشیدگی اور عدم برداشت کا باعث بن جاتی ہیں۔
یہ بھی پڑھیں:راناشمیم نےحلف نامہ نوازشریف کےسامنےنوٹرائزکرایا،فوادچوہدری
