گوگل نیوز پر ہمیں فالو کریںیورپی کمیشن کو ترک صدر رجب طیب اردوان نے متنبہ کردیا ہے کہ ضرورت پڑنے پر ترکیہ یورپی یونین سے اپنی علیحدگی اختیار کرسکتا ہے۔
بین الاقوامی خبر رساں ادارے کی رپورٹ کے مطابق گزشتہ 24 سال سے ترکیہ یورپی یونین کی رکنیت حاصل کرنے کا خواہش مند رہاہے، تاہم اب ترک صدر نے اس خواہش میں کمی کا عندیہ دے دیا ہے۔
ترک صدر کا بیان یورپی یونین کے رکن ممالک کی جانب سے ترکیہ کی رکنیت سے متعلق اعتراضات پر مبنی حالیہ رپورٹ جاری ہونے کے بعد منظر عام پر آیا ہے۔
ترکیہ کی رکنیت سے متعلق 27 رکنی یورپی یونین میں رپورٹ میں کہا گیا ہے کہ موجودہ صورتحال میں ترکیہ کو یونین کی رکنیت نہیں دی جا سکتی تاہم دوستانہ تعلقات برقرار رکھنے کیلئے کوئی متوازی حقیقی فریم ورک کو تلاش کرلیا جائے گا۔
رپورٹ کے مطابق ترکیہ کی رکنیت کے حوالے سے رکن ممالک نے وہاں انسانی حقوق کی صورتحال اور قانون کے احترام سے متعلق معاملات پر تحفظات کا اظہار کیا ہے۔
مزید پڑھیں:بھارتی مسلم رہنما اسد الدین اویسی کا نیا سیاسی اتحاد سامنے لانے کا عندیہ
ترک صدر نے کہا کہ اگر یورپی یونین ترکیہ سے تعلقات توڑ کر جانا چاہتا ہے، تو ہم بھی ان حالات کا اپنے حساب سے جائزہ لیں گے اور اگر ضرورت پڑی تو یورپی یونین سے علیحدگی اختیار کرلیں گے۔
