گوگل نیوز پر ہمیں فالو کریںاسلام آباد: معاون خصوصی اطلاعات فردوس عاشق اعوان نے یورپی پارلیمنٹ عالمی امور کمیٹی کی طرف سے بھارت سے کشمیر میں جاری کرفیو فوری طور پر ہٹانے کے مطالبے کا خیر مقدم کرتے ہوئے کہا ہے کہ وہ دن دور نہیں جب کشمیر میں آزادی کا سورج طلوع ہوگا۔
سماجی رابطے کی ویب سائٹ ٹوئٹر پر اپنے پیغام میں فردوس عاشق اعوان نے کہا کہ گھمنڈاور تکبر خاک میں مل چکا، ہر طرف سے بھارت کو منہ کی کھانی پڑ رہی ہے۔
یہ بھی پڑھیں: یوم دفاع و شہدائے پاکستان: “آئیں چلیں شہید کے گھر” گانے کا پرومو جاری
معاون خصوصی اطلاعات نے کہا کہ یورپی پارلیمنٹ کا مقبوضہ کشمیر کی صورتحال کو تشویش ناک قرار دیتے ہوئے فوری کرفیو اٹھانے کا مطالبہ خوش آئند ہے۔ مظلوم کشمیریوں کی آہوں اور سسکیوں نے عالمی ضمیر کو جھنجھوڑ کر رکھ دیا ہے۔
بھارتی گھمنڈ اور تکبر خاک میں مل رہا ہے ، ہر طرف سے اسے منہ کی کھانی پڑ رہی ہے۔یورپین پارلیمنٹ نے مقبوضہ کشمیر کی صورتحال کو تشویشناک قرار دیتے ہوئے فوری کرفیو اٹھانے کا مطالبہ کیا ہے۔وہ دن دور نہیں جب وادی جنت نظیر میں آزادی کا سورج طلوع ہوگا۔
— Firdous Ashiq Awan (@Dr_FirdousPTI) September 3, 2019
فردوس عاشق اعوان نے کہا کہ بھارت حق اور سچ کی آواز نہیں دبا سکتا۔ مقبوضہ جموں و کشمیر کے عوام کے جائز اور قانونی حقوق کی آواز کی گونج یورپین پارلیمنٹ میں سنائی دی۔
مظلوم کشمیریوں کی آہوں اور سسکیوں نے عالمی ضمیر جھنجھوڑ کر رکھ دیا ہے۔ بھارت حق اور سچ کی آواز نہیں دبا سکتا۔ مقبوضہ جموں کشمیر کے عوام کے جائز اور قانونی حقوق کی آواز کی گونج یورپین پارلیمنٹ میں سنائی دی۔
— Firdous Ashiq Awan (@Dr_FirdousPTI) September 3, 2019
اس سے قبل وزیر خارجہ شاہ محمود قریشی نے خدشہ ظاہر کیا کہ بھارت اقوامِ عالم کی توجہ مسئلہ کشمیر سے ہٹانے کے لیے کوئی بھی مہم جوئی کرسکتا ہے جبکہ پاکستان اپنے دفاع کے لیے مکمل طور پر تیار ہے۔
مزید پڑھیں: بھارت دنیا کی توجہ کشمیر سے ہٹانے کے لیے کوئی بھی مہم جوئی کرسکتا ہے۔وزیر خارجہ
