گوگل نیوز پر ہمیں فالو کریںکراچی: قومی کرکٹ ٹیم کے سابق کپتان اور مایہ ناز آل راؤنڈر شاہد آفریدی کشمیریوں سے اظہارِ یکجہتی کے لیے لائن آف کنٹرول کا دورہ کریں گے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں شاہد آفریدی نے کہا کہ کشمیر کے مسئلے پر ایک قوم کی حیثیت سے وزیر اعظم کی پکار پر لبیک کہنا ہمارا فرض ہے۔
یہ بھی پڑھیں: قومی کھلاڑیوں کا پری سیزن کیمپ، کھیل کے لیے سخت ٹریننگ جاری
انہوں نے کہا کہ میں جمعے کے روز 12 بجے مزارِ قائد پر آ رہا ہوں۔ آپ بھی میرا ساتھ دیں اور ہم مل کر کشمیری بھائیوں کے ساتھ اظہارِ یکجہتی کریں گے۔
بوم بوم آفریدی نے اعلان کیا کہ وہ 6 ستمبر کو پاک فوج کے ایک شہید کے گھر جا کر ان کے لواحقین سے ملیں گےاور جلد ہی لائن آف کنٹرول کا بھی دورہ کریں گے۔
Let’s respond to PM call for Kashmir Hour as a nation. I will be at Mazar e Quaid at 12 pm on Friday. Join me to express solidarity with our Kashmiri brethren.
On 6 Sep I will visit home of a Shaheed. I will soon be visiting LOC.— Shahid Afridi (@SAfridiOfficial) August 28, 2019
یاد رہے کہ اس سے قبل پاکستانی نژاد بین الاقوامی چیمپئن باکسر عامر خان نے مسئلہ کشمیر پر پاکستانی مؤقف کی حمایت اور کشمیریوں کےساتھ اظہارِ یکجہتی کرتے ہوئے لائن آف کنٹرول کا دورہ کیا ۔
ایل او سی کے دورے کے موقعے پر عامر خان نے چکوٹھی میں بھارتی گولہ باری سے شہید ہونے والے افراد کے اہل خانہ سے ملاقاتیں اور شہریوں سے بات چیت کی۔ انہوں نے کہا کہ میں امن کا پیغام لایا ہوں اور یہ خطہ صرف امن سے ترقی کر سکتا ہے۔ انہوں نے کہا کہ مقبوضہ کشمیر کی صورتحال پر تشویش ہے۔
مزید پڑھیں: پاکستانی نژاد باکسر عامر خان کا لائن آف کنٹرول پر کشمیریوں کے ساتھ اظہارِ یکجہتی
