گوگل نیوز پر ہمیں فالو کریںاسلام آباد: وزیراعظم عمران خان کا کہنا ہےکہ کشمیر کے معاملے پر جو لوگ کہتے ہیں کشمیر میں جہاد شروع کردیں یا فوج کشمیر چلی جائے،ایسی باتیں کرنے والے کشمیریوں سے دشمنی کررہے ہیں،کیونکہ ہندوستان یہی چاہتا ہے۔
وزیراعظم عمران خان کا مسئلہ کشمیر پر قوم کے نام ویڈیو پیغام میں کہنا تھا کہ آج 27 اکتوبر وہ سیاہ ترین دن ہے جب بھارت کی فوجیں کشمیر میں داخل ہوئیںاور مقبوضہ کشمیر کے عوام سے دھوکا کیا گیا، مسئلہ کشمیر پر بھارتی وزیراعظم اقوام متحدہ گئے اور اقوام متحدہ نے کشمیریوں کو حق خودارادیت دیا جو انہیں آج تک نہیں ملا۔
وزیراعظم عمران خان کا کہنا تھا کہ کشمیریوں سے جھوٹے وعدے کیے گئے اور دھاندلی سے انتخابات کرائے گئے، اس آزادی کی تحریک میں اب تک ایک لاکھ کشمیری شہید ہو چکے ہیں،30 سال قبل بھی الیکشن میں دھاندلی کی گئی تو لوگ سڑکوں پر آگئے اور قتل عام ہوا۔
وزیر اعظم نے کہا کچھ لوگ کہتے ہیں کہ کشمیریوں کے لیے ہمیں ہتھیار اٹھا لینے چاہئیں، ہتھیار اٹھانے کی بات کرنے والے کشمیریوں سے دشمنی کر رہے ہیں، ہم نے کشمیریوں کی اخلاقی، سفارتی اور سیاسی حمایت اور مدد کرنی ہے، ہمیشہ کشمیریوں کےساتھ کھڑے رہیں گے۔
عمران خان کاکہناتھاکہ مودی نے 9 لاکھ فوج کشمیریوں کو دبانے کے لیے رکھی ہوئی ہے جب کہ ہوسکتا ہے ہندوستان خود مقبوضہ کشمیر میں کوئی کارروائی کرا دے اوراس کا الزام پھر پاکستان پر لگادے۔
یہ بھی پڑھیں: وزیر اعظم سے کل جماعتی حریت کانفرنس رہنماؤں کے وفد کی ملاقات
