آرزو راجہ کیس کے ملزم علی اظہر نے ضمانت کیلئے عدالت سے رجوع کرلیا

کراچی :آرزو راجہ کے اغواء اور جبری شادی کے کیس میں ملزم علی اظہر نے ضمانت کے لئے سیشن جج جنوبی کی عدالت سے رجوع کرلیا۔

مدعی مقدمہ نے ملزمان کی درخواست ضمانت ایڈیشنل ڈسٹرکٹ اینڈ سیشن جج جنوبی تین نمبر کی عدالت سے منتقلی کی درخواست دائر کردی۔

آرزو راجہ کے اغوا اور جبری کم عمری کی شادی کے کیس میں ملزم علی اظہر نے ضمانت کے لئے سیشن جج جنوبی کی عدالت سے رجوع کرلیا ہے۔ عدالت نے درخواست ضمانت ایڈیشنل ڈسٹرکٹ اینڈ سیشن جج جنوبی نمبر تین کو بھیج دی۔

مزید پڑھیں: آرزو کیس، سندھ ہائی کورٹ نے مسیحی لڑکی کو شیلٹر ہوم منتقل کرنے کا حکم دے دیا

ملزم علی اظہر عدالتی ریمانڈ پر جیل میں ہے ،کیس میں پہلے ہی تین ملزمان اس کیس میں ضمانت حاصل کرچکے ہیں۔

ملزم علی اظہر کا کہنا ہے کہ اس نے آرزو راجہ کو اغوا نہیں کیا ،آرزو فاطمہ نے اپن مرضی سے میرے ساتھ شادی کی ہے ۔

دوسری جانب مدعی مقدمہ کے وکیل نے مقدمہ منتقلی کی درخواست دائر کردی ہے، درخواست میں موقف اختیار کیا گیا ہے کہ کیس ایڈیشنل ڈسٹرکٹ اینڈ سیشن جج نمبر تین سے کسی دوسری عدالت منتقل کیا جائے ،عدالت نے مقدمہ منتقلی کی درخواست پر فریقین کو 18 نومبر کے لیے نوٹس جاری کردئیے ۔