گوگل نیوز پر ہمیں فالو کریںواشنگٹن:امریکی صدر ڈونلڈ ٹرمپ نے کہا ہے کہ امریکا سے مذاکرات کے لیے ایران پر عائد پابندیاں ختم کرنے کی شرط ہمیں قبول نہیں ہے۔ امریکا ایران سے مذاکرات کرسکتا ہے لیکن پابندیاں اٹھانے کی شرط پر نہیں۔
سماجی رابطے کی ویب سائٹ ٹوئٹر پر اپنے بیان میں امریکی صدر ڈونلڈ ٹرمپ نے کہا کہ ہم ایران پر عائدپابندیاں نہیں ہٹائیں گے۔ ایران مجھ سے چاہتا ہے کہ اگر ملاقات کرنی ہے تو ان پر عائد پابندیاں ہٹا دوں جبکہ اس میں کوئی شک نہیں کہ میں ایسا نہیں کروں گا۔
یہ بھی پڑھیں: پاک چین خارجہ پالیسی دیگر ممالک کے داخلی امور میں مداخلت کے خلاف ہے۔صدرِ مملکت
Iran wanted me to lift the sanctions imposed on them in order to meet. I said, of course, NO!
— Donald J. Trump (@realDonaldTrump) September 27, 2019
یاد رہے کہ اس سے قبل امریکی صدر ڈونلڈ ٹرمپ نے پاکستانی اور بھارتی وزرائے اعظم سے رواں ہفتے علیحدہ علیحدہ ملاقاتوں میں زور دیا کہ وہ مسئلہ کشمیر سمیت باہمی اختلافات حل کرلیں، انہوں نے کہا کہ مسئلہ کشمیر کے حل کے لیےجوبن سکاکرنے کےلیےتیارہوں۔
صدر ٹرمپ کا کہنا تھا کہ میں نے عمران خان اور نریندر مودی سے کہا کہ دوستوں اب مسئلہ کشمیر کو حل کرو، بس اب اس مسئلے کو حل کرہی دو۔ میری پاکستان اور بھارت کے وزرائے اعظم سے بہت ہی تعمیری ملاقاتیں رہیں، میں نے دونوں رہنماؤں سے کشمیر کے بارے میں بات کی، میں نے کہا جو بھی مدد میں کرسکتا ہوں کروں گا چاہے اسے ثالثی کہہ لیں یا کچھ اور۔
مزید پڑھیں: مسئلہ کشمیر کے حل کے لیےجوبن سکاکرنے کےلیےتیارہوں،امریکی صدر
