گوگل نیوز پر ہمیں فالو کریںبنگلادیش ویمنز کرکٹ ٹیم کی کپتان نِگار سلطانہ نے پاکستانی پرچم کے احترام کا مظاہرہ کرتے ہوئے کھیل کے میدان میں باہمی احترام اور رواداری کی خوبصورت مثال قائم کردی۔
جاپان میں جاری ایشین گیمز کے دوران ایک موقع پر پاکستانی پرچم زمین پر گر گیا جسے دیکھ کر نِگار سلطانہ نے فوری طور پر اسے اٹھا کر سنبھال لیا۔
بنگلادیشی کپتان کے اس اقدام کی ویڈیو اور تصاویر سوشل میڈیا پر تیزی سے گردش کرنے لگیں جہاں صارفین کی جانب سے ان کے اس عمل کو سراہا گیا۔
صحافی کی جانب سے اس حوالے سے سوال کیے جانے پر نِگار سلطانہ نے کہا کہ پرچم کا احترام ضروری ہے اور پاکستان اور بنگلادیش کے پرچم ان کے لیے یکساں احترام رکھتے ہیں۔
نِگار سلطانہ کے اس طرزِ عمل کو کھیلوں کے ذریعے قائم ہونے والے باہمی احترام اور مثبت تعلقات کی ایک خوبصورت مثال قرار دیا جا رہا ہے۔
پاکستانی پرچم کے احترام کا یہ منظر سوشل میڈیا پر خاصی توجہ حاصل کر رہا ہے اور صارفین بنگلادیشی کپتان کے اس جذبے کو سراہ رہے ہیں۔
