گوگل نیوز پر ہمیں فالو کریںسعودی حکومت نے حادثات کی تحقیق کے شعبے میں جدید ترین اسمارٹ ٹیکنالوجی اپنانے کا اعلان کیا ہے، جس کا مقصد حفاظتی تحقیقات کی کارکردگی کو بہتر بنانا اور ٹرانسپورٹ کے مختلف ذرائع میں حادثات کے تجزیے میں اعلیٰ ترین معیار کا حصول ہے۔
“آئیے جانتے ہیں یہ کیسی ٹیکنالوجی ہے اور اس کی کیا خصوصیات ہیں، اس حوالے سے العربیہ نے متعلقہ سعودی حکام کے حوالے سے رپورٹ کیا ہے کہ تحقیقات میں معاون جدید ٹیکنالوجیز میں نمایاں ترین ٹیکنالوجی “تھری ڈی اسکیننگ” ہے، جو ماہر ٹیموں کو حادثے کی جگہ کو انتہائی درستی سے دستاویزی شکل دینے، ٹرانسپورٹ کے مقام کو محفوظ کرنے اور حادثے کے اردگرد کے ماحولیاتی حالات کو جمع کرنے کی سہولت فراہم کرتی ہے۔
یہ ٹیکنالوجی حادثے کی جگہ کو انتہائی درست اور قابلِ بھروسا تھری ڈی ماڈلز کی صورت میں دوبارہ تشکیل دینے کی صلاحیت رکھتی ہے، جس سے حادثے کے اسباب اور حالات کا زیادہ پیشہ ورانہ انداز میں تجزیہ ممکن ہوتا ہے۔ یہ ٹرانسپورٹ اور سیفٹی کے شعبے سے وابستہ فیصلہ سازوں کو درست معلومات فراہم کرتی ہے۔
یہ پیش رفت مرکز کی اس مستقل کوشش کا حصہ ہے جس کا مقصد جدید ترین تکنیکی سہولیات کو اپنانا اور قومی حفاظتی نظام کو بہتر بنانا ہے، تاکہ سعودی وژن 2030 کے تحت ٹرانسپورٹ سیفٹی کے شعبے میں مقرر کردہ اہداف حاصل کیے جا سکیں۔
