شادی کی تقریب بالی ووڈ کے فلمی ستاروں کی شرکت سے سج گئی جس کی تصاویر سوشل میڈیا پر وائرل ہوگئی ہیں۔مداحوں نے تبصرے شروع کردئیے۔
تفصیلات کے مطابق بالی ووڈ کے درجنوں ستارے شادی کی ایک تقریب کیلئے یکجا ہوگئے جبکہ وزکرافٹ انٹرنیشنل انٹرٹینمنٹ کے شریک بانی اور ڈائریکٹر آندرے ٹمنز کے بیٹے لیزلی ٹمنز کی شادی کے رسیپشن کی یہ تقریب ہفتے کے روز منعقد ہوئی۔
فرینڈز سیریز کے اداکار میتھیو پیری کا 54برس کی عمر میں حادثے کے باعث انتقال
شادی کی اس تقریب میں بالی ووڈ ستاروں کی بڑی تعداد شریک ہوئی۔ لیزلی ٹمنز کی شادی ساچی نائیک سے 12 ستمبر کو ہوئی تھی جس کا رسیپشن گزشتہ روز ہوا اور گزشتہ شب بالی ووڈ ستاروں کیلئے پرتعیش پارٹی کا اہتمام کیا گیا۔
پارٹی میں بالی ووڈ کے معروف اداکاروں نے شرکت کی جن میں رتیک روشن، شاہد کپور، کرن جوہر، زویا اختر، سوناکشی سنہا، ریکھا، شتروگن سنہا، وویک اوبروئے، بوبی دیول، فرح خان اور بہت سے دیگر فنکار شامل ہیں۔
رسیپشن کی تقریب کو بالی ووڈ ستاروں کی شرکت سے چار چاند لگ گئے۔ رتیک روشن نے اپنے والد راکیش روشن کے ہمراہ شرکت کی جبکہ سوناکشی سنہا اپنے والد شتروگن سنہا کے ہمراہ نظر آئیں۔
ایک موقعے پر بالی ووڈ کی سینئر اداکارہ ریکھا بھی شتروگن سنہا کے ہمراہ ان کے پاؤں چھوتی نظر آئیں۔ رتیک روشن نے بلیک بلیزر اور بلو ٹی شرٹ زیبِ تن کی اور اپنے والد راکیش روشن کے ہمراہ تصویر بھی کھنچوائی۔
سوناکشی سنہا بھی تقریب میں شرکت کے دوران تصاویر کھنچواتی نظر آئیں جبکہ کافی وِد کرن کے میزبان اور معروف بالی ووڈ فلم ساز کرن جوہر بھی تقریب کا حصہ بنے۔ اداکار بوبی دیول نے بھی تصاویر کھنچوائیں۔