گوگل نیوز پر ہمیں فالو کریںترکیہ کا کارگو بحری جہاز بحیرہ اسود (بلیک سی) میں طوفان کی زد میں آکر عملے سمیت لاپتا ہوگیا۔
غیر ملکی ذرائع ابلاغ کے مطابق لاپتا ترک کارگو جہاز سے بحیرہ اسود میں آنے والے طوفان میں پھنسنے کے بعد رابطہ منقطع ہو گیا تھا جس کے بعد سے بحری جہازعملے سمیت لاپتا ہو گیا ہے۔
حکام کا کہنا ہے کہ لاپتا ہونے والے کافکا میٹلر نامی ترک کارگو جہاز پر کپتان سمیت عملے کے 12 افراد سوار تھے۔
حکام کے مطابق اتوار کی صبح جہاز کے کپتان نے رپورٹ کیا تھا کہ جہاز ترکیہ کے شمال مغربی صوبے زونگلوداک کی حدود میں ایرگلی کے پانیوں سے گزر رہا ہے۔
ٹیمیں بھی تیار ہیں جیسے ہی موسمی حالات مناسب ہوتے ہیں ٹیموں کو روانہ کردیا جائے گا۔ریسکیو اور تلاش کا کام شروع کرنے کیلئے تمام تیاریاں مکمل ہیں۔
حکام کا کہنا تھا کہ علاقے میں سمندری طوفان کے باعث لاپتا جہاز کی تلاش کیلئے ریسکیو کشتیوں کے روانہ کرنے میں مشکلات درپیش ہیں جبکہ تیز ہواؤں کے باعث ہیلی کاپٹروں کے ذریعے بھی تلاش کا کام شروع کرنا ممکن نہیں ہے۔
