انتظامیہ کی نا اہلی کے باعث فروبل اسکول کا مین گیٹ تالاب کا منظر پیش کرنے لگا

راولپنڈی: انتظامیہ کی نا اہلی کے باعث فروبل اسکول کا مین گیٹ تالاب کا منظر پیش کرنے لگا،مین پشاور روڈ تھانہ نصیر آباد کی حدود میں قائداعظم انٹرنیشنل اسپتال سے ملحقہ پاکستان کا مہنگا ترین فروبل اسکول سسٹم پاکستان کے مہنگے ترین سکول سسٹم میں شمار کیا جاتا ہے۔

مہنگے ترین ایجوکیشن سسٹم فروبل اسکول جس کے مین گیٹ پرگندا پانی جمع ہے، جس کے باعث اسکول کے بچوں کو گزرنے میں مشکلات ہورہی ہیں۔ گندے پانی اور بدبو کی وجہ سے مختلف بیماریاں پیدا ہونے کا خدشہ ہوگیا ہے۔

موجودہ صورتحال کے بعد اسکول انتظامیہ کے ساتھ ساتھ کینٹ بورڈ انتظامیہ کی غفلت اور نااہلی بھی کھل کر سامنے آ گئی ہے، صفائی کا مناسب انتظام نہ ہونے کی وجہ سے شہریوں میں بے چینی کی کیفیت پیدا ہوگئی ہے۔

اسکول کے بچوں کے والدین نے خدشہ ظاہر کیا ہے کہ ہم اپنے بچوں کے مستقبل کے لیے مہنگے ترین سکول سسٹم کا انتخاب کیا۔مگر افسوس کہ اسکول انتظامیہ کی نااہلی کی وجہ سے ہمارے بچوں میں بیماریاں پھیلنے کا خدشہ ہے۔

متعلقہ ادارے غفلت کی نیند سو رہے ہیں جس کی وجہ سے حفظان صحت کے اصولوں کی کھلم کھلا خلاف ورزی ہورہی ہے، بچوں کے والدین نے مطالبہ کیا ہے کہ فوری طور پر اسکول کے مین گیٹ سے گندے پانی کو صاف کیا جائے۔

پانی کی نکاسی کے لئے انتظامات کیے جائیں تاکہ بارش کے علاوہ کوئی دوسرا پانی یہاں پر کھڑا نہ ہو سکے،متعلقہ انتظامیہ فوری طور پر اقدامات کر کے اسکول اور باہر کے سیوریج نظام کو بہتر کرے۔