کراچی:سندھ حکومت نے ویکسی نیشن کے عمل کو تیز کرنے اور کورونا وائرس پر قابو پانے کے لیے نئی پابندیوں کا اعلان کردیا۔
ایک بیان میں سندھ کے وزیر ٹرانسپورٹ نے کہا ہے کہ 30 ستمبر کے بعد ویکسین نہ لگوانے والوں کو تعلیمی اداروں کے لیے مختص گاڑیوں میں سفر کرنے کی اجازت نہیں ہوگی۔
انہوں نے مزید کہا کہ جن لوگوں کو کورونا وائرس سے بچاؤ کی ویکسین نہیں دی گئی ہے انہیں 15 ستمبر کے بعد کسی بھی دفتر کے ملازمین کو لے جانے والی گاڑیاں استعمال کرنے کی اجازت نہیں ہوگی۔
دریں اثنا کورونا ویکسی نیشن سرٹیفکیٹ کو 15 اکتوبر سے موٹرویز پر سفر کے لیے لازمی قرار دیا جائے گا۔
مزید پڑھیں:کورونا مزید 69 زندگیاں نگل گیا، 3909 شہری وباء سے متاثر